دورہ انگلینڈ کیلئے قومی کرکٹ ٹیم کا قذافی اسٹیڈیم میں تربیتی کیمپ

دورہ انگلینڈ کیلئے قومی کرکٹ ٹیم کا قذافی اسٹیڈیم میں تربیتی کیمپ

2 views
0

دورہ انگلینڈ کے لیے پاکستان کرکٹ ٹیم کا مختصر تربیتی کیمپ قذافی اسٹیڈیم میں شروع ہوگیا۔

قومی کرکٹ ٹیم آئرلینڈ اور انگلینڈ کے خلاف ٹیسٹ سیریز کھیلے گی جس کے لئے قذافی اسٹیڈیم لاہور میں تربیتی کیمپ لگایا گیا ہے جو 22 اپریل تک جاری رہے گا۔

دورہ برطانیہ کے لئے ٹیم میں شامل کیے گئے نوجوان کھلاڑی محمد عباس کاؤنٹی کرکٹ کے باعث کیمپ میں شریک نہیں تاہم دیگر کھلاڑیوں نے کیمپ کو جوائن کرلیا ہے۔

پاکستان کرکٹ ٹیم کے نئے فزیو تھیراپسٹ اینڈریو ڈیکن نے بھی کیمپ جوائن کرلیا۔

یاد رہے کہ پاکستان اور آئرلینڈ کے درمیان واحد ٹیسٹ میچ 11 مئی سے شروع ہوگا جس کے بعد قومی ٹیم انگلینڈ کے خلاف 2 میچز پر مشتمل ٹیسٹ سیریز کھیلے گی۔

مذکورہ سیریز کے لئے سلیکشن کمیٹی نے نوجوان کھلاڑیوں کا انتخاب کیا ہے جب کہ ہیڈ کوچ مکی آرتھر بھی نئے تجربات کا ارادہ رکھتے ہیں۔

دائیں ہاتھ سے بیٹنگ کرنے والے بابر اعظم پاکستان کی جانب سے ون ڈے میں تیسرے نمبر پر اور ٹی ٹوئنٹی میں اوپننگ کرتے ہیں لیکن آئرلینڈ اور انگلینڈ میں انہیں چوتھے یا پانچویں نمبر پر کھلانے کی تجویز ہے۔

سب سے اہم اور مشکل ترین پوزیشن ون ڈاؤن پر لیفٹ ہینڈ بیٹسمین حارث سہیل کھیلیں گے۔ حیران کن طور پر جارح مزاج اوپنر فخر زمان کو بھی مڈل آرڈر میں پانچویں یا چھٹے نمبر پر آزمایا جائے گا اور انہیں ذمے داری دی جائے گی کہ وہ اٹیک کریں۔

About author
Profile photo of راوا ڈیسک

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Your email address will not be published. Required fields are marked *