وزیر اعظم شاہد خاقان کی سعودی شاہ سلمان سے ملاقات

وزیر اعظم شاہد خاقان کی سعودی شاہ سلمان سے ملاقات

6 views

وزیر اعظم شاہد خاقان کی سعودی شاہ سلمان سے ملاقات

وزیر اعظم شاہد خاقان عباسی سعودی عرب کے دورے پر ہیں جہاں انہوں نے خادم حرمین شریفین شاہ سلمان بن عبدالعزیز السعود سے ملاقات کی۔ ملاقات میں دوطرفہ تعلقات اور باہمی تعاون سے متعلق امور پر تبادلہ خیال کیا گیا۔

وزیر اعظم نے کہا کہ پاکستانی عوام اور حکومت کے لیے سعودی عرب انتہائی اہمیت کا حامل ہے، جبکہ سعودی فرماں روا نے بھی پاکستانی عوام اور حکومت کی تعریف کی۔

دونوں رہنماؤں کی ملاقات فوجی مشقوں ’گلف شیلڈ ون‘ کی اختتامی تقریب کے موقع پر ہوئی۔ ملاقات میں وزیر دفاع خرم دستگیر، آرمی چیف جنرل قمر جاوید باجوہ، سابق آرمی چیف جنرل راحیل شریف، ڈائریکٹر جنرل آئی ایس آئی لیفٹننٹ جنرل نوید مختار اور اعلیٰ سعودی حکام بھی شریک تھے۔

وزیر اعظم شاہد خاقان عباسی اور آرمی چیف جنرل قمرجاوید باجوہ نے سعودی عرب میں جاری 24 ملکی مشترکہ فوجی مشق کی اختتامی تقریب میں شرکت کی۔

پاکستان اور سعودی عرب کے درمیان یمن میں افواج نہ بھجوائے جانے کے معاملہ پر اور قطر کے ساتھ کشیدگی کے حوالے سے غیرجانبدار رہنے پر پاک سعودی تعلقات کشیدہ رہے۔ تاہم، آرمی چیف جنرل قمر جاوید باجوہ کے کچھ عرصہ قبل غیر اعلانیہ دورہ سعودی عرب اور تربیتی امور کے لیے مزید افواج بھیجے جانے کے اعلان کے بعد دونوں ممالک کے تعلقات میں بہتری آئی ہے۔

 

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *