پانچ ماہ کا بچہ جنگل میں رات بھرزندہ بچ رہنے میں کامیاب

پانچ ماہ کا بچہ جنگل میں رات بھرزندہ بچ رہنے میں کامیاب

29 views

پانچ ماہ کا بچہ جنگل میں رات بھرزندہ بچ رہنے میں کامیاب

کہا جاتا ہے کہ جسے اللہ رکھے اسے کون چھکے ایسا ہی ایک واقعہ امریکی ریاست مونٹانا کے جنگل میں پیش آیا جب نہایت سرد رات کے باوجود 5 ماہ کا ایک بچہ معجزانہ طور پر زندہ رہا ریسکیو ادارے نے 9 گھنٹے بعد بچے کا سراغ لگالیا۔

ذرائع کے مطابق امریکی ریاست مونٹانا کے جنگلات میں ایک کار کو حادثہ پیش آیا، کار سوار شخص نومولود بچے کو نہایت سرد اور تاریک رات میں تنہا چھوڑ کر واپس اپنے گھر چلا گیا۔ کار حادثے کی اطلاع ملنے پر ریسکیو ادارے نے امدادی کاموں کا آغاز کیا تاہم کار ڈرائیور نشے کے زیادہ استعمال کے باعث بچے کی موجودگی کے حوالے سے کچھ نہیں بتا پایا جس کے بعد ازخود کارروائی کا آغاز کیا گیا۔

ریسکیو اہلکاروں کو حادثے کی جگہ سے جنگل کے کھائی کی جانب کچھ فاصلے پر ایک زندہ بچہ زمین کے اندر آدھا دھنسا ہوا ملا، بچے کا لباس مٹی زدہ اور گیلا تھا جب کہ اس رات درجہ حرارت بھی 7 سینٹی گریڈ تک رہا تھا اس کے باوجود نومولود بچہ معجزانہ طور پر زندہ رہا۔ بچے کو ایمبولینس کے ذریعے قریبی اسپتال منتقل کردیا گیا ہے جہاں اس کی حالت خطرے سے باہر بتائی جارہی ہے۔

مونٹانا پولیس نے بچے کو خطرناک جنگل میں تنہا چھوڑنے والے کار ڈرائیور کو حراست میں لے لیا ہے جو نشے کی حالت میں ہونے کے باعث درست معلومات فراہم کرنے سے قاصر ہے تاہم ابتدائی بیان میں اس نے پولیس کو بتایا کہ بچے کا وزن زیادہ ہونے کے باعث اسے وہیں چھوڑ دیا تھا۔ تاحال پولیس کار ڈرائیور اور بچے کے درمیان رشتہ معلوم نہیں کرسکی۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *