سیکیورٹی فورسز اور قوم کی عظیم قربانیوں سے امن و استحکام حاصل ہوا تاہم پائیدار امن کے حصول کیلئے ابھی کام جاری رکھنا ہے: آرمی چیف جنرل قمر جاوید باجوہ

11 views

 آرمی چیف جنرل قمر جاوید باجوہ کا کہنا ہے کہ سیکیورٹی فورسز اور قوم کی عظیم قربانیوں سے امن و استحکام حاصل ہوا تاہم پائیدار امن کے حصول کیلئے ابھی کام جاری رکھنا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے کوئٹہ کا دورہ کیا جہاں انہوں نے اسٹاف کالج میں آفیسرز اور فیکلٹی آف کمانڈ سے خطاب کرتے ہوئے کہا کہ سیکیورٹی فورسز اور قوم کی قربانیوں سے امن اور استحکام کے راستے پر آگئے ہیں لیکن کام ابھی مکمل نہیں ہوا اور حاصل کامیابیوں سے ہمیں دیرپا امن حاصل کرنا ہے۔

پاک فوج کے سربراہ نے آپریشنز میں نوجوان افسروں کی کارکردگی اور ان کی خدمات کو سراہتے ہوئے کہا کہ نوجوان افسران آپریشنز کی تیاریوں میں بھرپور توانائیاں صرف کررہے ہیں۔

ترجمان پاک فوج کے مطابق آرمی چیف نے سدرن کمانڈ ہیڈ کوارٹرز کا بھی دورہ کیا جب کہ جنرل قمر جاوید باجوہ کو افغان سرحد پر باڑ لگانے، کوئٹہ سیف سٹی پروجیکٹ اور خوشحال بلوچستان پروگرام پر بریفنگ دی گئی۔ آرمی چیف نے اقتصادی و سیکیورٹی اقدامات کی پیش رفت پر اطمینان کا اظہار کیا۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *