hairmassage 808x454

بالوں کو لمبا، سیاہ اور چمکدار کرنے کے چند آسان ٹوٹکے

1576 views

بالوں کو لمبا، سیاہ اور چمکدار کرنے کے چند آسان ٹوٹکے

ہم ہمیشہ اپنے بالوں کو گھنا صحت مند اور خوبصورت بنانے کی کوششوں میں لگے رہتے ہیں اور اس کوشش میں اچھے خاصے پیسے بھی خرچ ہوجاتے ہیں۔

ہم کبھی کوئی کریم استعمال کر لیتے ہیں، کوئی نسخہ استعمال کرلیتے ہیں جس میں  کافی پیسے بھی لگ جاتے ہیں۔

سوال یہ ہے کہ کم پیسوں میں بالوں کو لمبا، گھنا اور چمکدار کیسے کیا جائے۔۰

اس کے لئے آپکو ادھر ادھر بھٹکنے کی ضرورت نہیں۔ جو چیزیں آپ کے بالوں کی خوبصورت نشوونما کرسکتی ہیں

 

وہ خوش قسمتی سے آپ کے اپنے کچن میں ہی موجود ہوتی ہے۔ جن سے آپ کا ہر دم واسطہ پڑتا رہتا ہے۔

یہ بیک وقت انتہائی  سستے بھی ہیں اورانتہائی موثر بھی۔

شہد

شہد بالوں میں خوبصورتی پیدا کرنے کے لئے ہمیشہ سے ایک کامیاب ترین اور موثر شے رہی ہے۔

اس میں بڑی مقدار میں وٹامنز اور معدنیات پائی جاتی ہیں۔

 

 

آپکی جلد اور بالوں کے لئے انتہائی مفید ہے، اس کے علاوہ شہد اعلی درجے کا موئسچرائزر اور کنڈیشنر بھی ہے۔

دو چائے کے چمچے شہد میں تازہ لیموں نچوڑیں اور تھوڑا سا پانی لے کر خوب ملالیں اور شیمپو کرنے کے بعد سیدھے سیدھے اس مکسچر کو اپنے بالوں میں لگالیں

اور کم از کم دو منٹ تک یوں ہی چھوڑدیں۔ اس کے بعد بالوں کو ٹھنڈے پانی سے دھو ڈالیں۔ پھر معمول کے مطابق خشک کرلیں۔

یہ نسخہ آپ کے بالوں کو ہمیشہ سے کہیں زیادہ بلکہ چہد ایسا چمکیلا بنا دے گا۔

 

ہنئ کنڈیشنگ ٹریٹمنٹ

ایک چوتھائی کپ شہد میں ایک چوتھائی کپ زیتون کا تیل شامل کرلیں۔ اور پھر اس مکسچر کو خوب اچھی طرح بالوں اور کھوپڑی کی جلد پر لگائیں

اور اس طرح مناسب انداز میں متواتر مالش کریں کہ اس کے اثرات بالوں کی جڑوں اور جلد تک پہنچ جائیں۔

اس کے بعد سر پر ایک شاور کیپ پہن لیں اور تیس منٹ اس کو یوں ہی رہنے دیں تاکہ خوب اچھی طرح جذب ہوجائیں۔

اس کے بعد معمول کے مطابق بالوں کو دھو کر اچھی طرح خشک کرلیں۔

یہ زبردست کنڈیشنر آپ کے مرجھائے ہوئے خشک اور تباہ ہوتے ہوئے بالوں کے لئے بے مثال ہے۔

 

 

 

روغن زیتون

روغن زیتون میں بھی بے شمار کرشماتی خوبیاں ہیں۔ یہ ایک ایسا روغن ہے کو کسی بھی عنصر کو شفا دے سکتا ہے۔

ایک چمچہ شہد میں دو چمچے زیتون کا تیل ملا کر دونوں کو انڈے کی زردی میں خوب اچھی طرح پھنٹ لیں۔

اس کے بعد خوب اچھی طرح بالوں پر لگائیں۔ آدھ گھنٹے کے لئے شاور کیپ پہن لیں  ۔

پھر بالوں کو معمول کے مطابق دھو کر اچھی طرح صاف کر لیں

یہ آپ کے مرجھائے ہوئے بالوں کے لئے ایک بے مثال نسخہ ہے۔

 

زیتون کے تیل کا کنڈیشنز

اگر آپ اس نسخے پر عمل کرنے سے پہلے اپنے بالوں پر کنڈیشنر استعمال کرنا چاہیں تو اس کے فوائد حیرت انگیز ہوں گے۔

یہ کنڈیشنر آپ کے بالوں میں ایک نئی جان ڈال دے گا

ایک ٹیبل اسپون دہی میں ایک ٹیبل اسپون شہد اور ایک انڈا ان تینوں کو خوب اچھی طرح ایک پیالے میں ڈال کر مکس کر لیں۔

اس کے بعد بالوں میں لگالیں اور تیس منٹ تک یوں ہی رہنے دیں۔

اس کے بعد معمول کے مطابق شیمپو کر کے بالوں کو دھو ڈالیں آپکے بال انتہائی خوبصورت اور  ریشمی ہوجائیں گے ۔

آب جو

آب جو یا جو کا پانی مرجھائے ہوئے بالوں کے لیے حیرت انگیز تاثیر رکھتا ہے۔

یہ آپ کے بالوں کو بے پناہ چمک دے سکتا ہے۔ اس میں شامل اجزا آپ کے بالوں کی جڑوں میں اثر کر کے انہیں توانا کر دیتے ہیں۔

شیمپو کرنے کے بعد اپنےبالوں میں تقریبا دو سے تین کپ آب جو لگالیں اور کم از کم دو سے تین منٹ تک اسے اپنے بالوں میں جذب ہوجانے دیں۔

اس کے بعد ٹھنڈے پانی سے دھو کر خشک کرلیں۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *