ائیرکوالٹی انڈیکس میں کراچی ، لاہور کو پیچھے چھوڑتے ہوئے فضائی آلودگی کے باعث دوسرے نمبر پر آگیا جبکہ بھارتی دارالحکومت نئی دہلی بدستور پہلے نمبر پر ہے۔

تفصیلات کے مطابق جمعرات  کراچی میں صحرائی ہواؤں کے باعث حد نگاہ متاثر، فضا میں زہریلے ذرات کی تعداد 373 تک تجاوز کرگئی۔

کراچی سمیت سندھ کے کئی اضلاع میں آئندہ 24 گھنٹوں میں ہلکی بارش کا امکان ہے

جبکہ 16 نومبر کے بعد کراچی میں سردی بڑھنے کی پیشگوئی کی گئی ہے۔

 ماہرین نے شہریوں کو ماسک استعمال کرنے اور گھروں کی کھڑکیاں بند رکھنے کی ہدایت کی ہے۔

پاکستان ائیرکوالٹی اِنیشی ایٹو‘ کا کہنا ہے کہ کراچی فضائی آلودگی کے لحاظ سے

دنیا کا دوسرا آلودہ ترین شہر بن گیا ہے۔

شہر میں سب سے زیادہ آلودہ مقام داؤد سینٹر کے اطراف کا علاقہ ہے جہاں فضا میں زہریلے ذرات کی

تعداد 373 سے بھی تجاوز کرگئی ہے۔

حد نگاہ کی مناسب حد عموماً 5 سے 7 کلومیٹر ہوتی ہے لیکن  جمعرات کو کراچی میں

حد نگاہ 2 کلومیٹر رہ گئی تھی۔

#Karachi today … so much #smog pic.twitter.com/68kUKEfrZV

— Karachista (@karachista) November 14, 2018

محکمہ موسمیات کے مطابق جمعے کو صبح کے وقت کہر چھا سکتا ہے

جبکہ گرد آلود ہوائیں بھی بدستور چلتی رہیں گی۔