عید قرباں کی آمد آمد،اشیاءخوردونوش کی قیمتوں میں اضافہ

عید قرباں کی آمد آمد،اشیاءخوردونوش کی قیمتوں میں اضافہ

27 views

بڑی عید کے قریب آتے ہی شہرقائد میں اشیاء خوردونوش کی قیمتوں کو پر لگ گئے، سبزی ، گوشت کیساتھ ساتھ دودھ بھی مہنگا ہوگیا۔

تفصیلات کے مطابق عید قرباں کے قریب آتے ہی شہرقائد میں مہنگائی کی بھی لہر آگئی ، قیمتوں ہوشربا اضافے کے بعد عوام کی چیخیں نکل گئیں۔

مرغی کا گوشت بھی عوام کی قوت خرید سے باہر ہو گیا، برائلر گوشت کی قیمت 300 روپے فی کلو میں فروخت ہورہا ہے۔

 کراچی میں پیاز کی فی کلو قیمت 30 روپے سے بڑھ کر 50 روپے کلو تک پہنچ گئی ہے جبکہ کراچی ہول سیل منڈی میں پیاز 500 روپے

من سے بڑھ کر بارہ سو1200 روپے من ہوگئیں۔

ٹماٹر کی قیمتوں کو بھی پر لگ گئے،اس وقت 80 روپے سے 120 روپے فی کلو ہوگئی ہے،  کچا اور سبز ٹماٹر مارکیٹ

میں 60 سے 70 روپے کلو فروخت ہورہا ہے۔

ٹماٹر کی پیٹی 700 سے بڑھ کر 1200روپے ہوگئیں جبکہ ہری مرچیں بھی ہول سیل منڈی میں 30 روپے کلو سے بڑھ کر 100 روپے کلو پر پہنچ گئیں۔

دوسری جانب شہر قائد میں ڈیری فارمرز نے بھی دودھ کی قیمت میں 10 روپے فی کلو کا ازخود اضافہ کر دیا۔

دودھ کی قیمت میں 330 روپیہ فی من غیرسرکاری اضافہ کا اعلان کیا گیا ہے جس کا اطلاق 11 جولائی سے ہو گا۔

عمل درآمد کی صورت میں دودھ کی خوردہ قیمت 120 روپے فی لیٹر ہو جائے گی۔

واضح رہے کہ کراچی میں تازہ دودھ پہلے ہی 94 روپے کی سرکاری قیمت سے 16 روپے زائد پر فروخت ہو رہا ہے۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *