کراچی کے ساحل سمندر پر مردہ مچھلیوں کی بھرمار

راچی میں سی ویو کے ساحل پر ایک بار پھر بڑی تعداد میں مردہ حالت میں مچھلیاں پائی گئی ہیں، علاقے میں تعفن پھیلنے سے شہریوں کو مشکلات کا سامنا ہے۔

تفصیلات کے مطابق شہرقائد میں بارشوں کے بعد سی ویو پر مردہ مچھلیوں کی بھرمار ہوگئیں، بدبو اور تعفن پھیلنے

سے شہریوں کو سانس لینے دشواری ہورہی ہے۔

ڈبلیو ڈبلیو ایف حکام کا کہنا ہے کہ سمندر میں بارش کے پانی کے ساتھ ندی نالوں کا آلودہ پانی شامل ہونے سے مچھلیوں کی موت واقع ہوئی ہے۔

انہوں نے بتایا کہ سمندر میں بارش کے پانی کے ساتھ ندی نالوں کا آلودہ پانی آتا ہے جس میں آکسیجن نہیں ہوتی بلکہ

ہائیڈروجن سلفائیڈ کی مقدار زائد ہوتی ہے اور جو مچھلیاں اس پانی کی لپیٹ میں آتی ہیں، وہ مرجاتی ہیں۔