پاکستان میں ایڈز کے ایک لاکھ 83 ہزار مریض

پارلیمانی سیکرٹری برائے صحت نوشین حامد کا کہنا ہے کہ ملک میں ایڈز کے کل ایک لاکھ 83 ہزار مریض ہیں مگر رجسٹرڈ صرف 25 ہزار ہیں۔

تفصیلات کے مطابق مسلم لیگ (ن) کی رکن قومی اسمبلی مریم اورنگزیب اور دیگر اراکین نے ایڈز کے مریضوں سے

متعلق توجہ دلاؤ نوٹس ایوان میں پیش کیا۔

جس پر پارلیمانی سیکرٹری برائے صحت نوشین حامد نے تفصیلات بیان کرتے ہوئے کہا کہ معاشرتی مسائل اور

مقامی رسم و رواج کے باعث لوگ اس بیماری کی نشاندہی کرنا پسند نہیں کرتے۔

اسی لیے ایڈز کے ٹیسٹ بھی کم ہی ہوتے ہیں، یہی وجہ ہے کہ ملک میں ایڈز کے کل ایک لاکھ 83 ہزار مریض ہیں مگر رجسٹرڈ صرف 25 ہزار ہیں۔

جس پر مریم اورنگزیب کا کہنا تھا کہ کورونا میں جب ٹیسٹ کم ہیں تو مریض بھی کم نظر آتے ہیں۔ ایڈز کے بھی ٹیسٹ کم ہوں گے تو مریض کم ہوں گے۔

اس حوالے سے پائیدار ترقی کے اہداف کی ایڈز سے متعلق کمیٹی کو فعال کردار ادا کرنا چاہیے۔