بچن خاندان کورونا کا شکار،شاہدآفریدی کا نیک خواہشات کا اظہار

بھارتی فلم انڈسٹری کے شہنشاہ امیتابھ بچن اور انکے دیگر اہلخانہ میں کورونا وائرس کی تشخیص کے بعد پاکستان کرکٹ ٹیم کے سابق کپتان شاہد آفریدی نے نیک خواہشات کا اظہار کیا ہے۔

تفصیلات کے مطابق پاکستان کرکٹ ٹیم کے آل راﺅنڈر شاہد آفریدی نے مائیکرہ بلاگنگ سائٹ ٹوئٹر پر پیغام دیا کہ میں

سینئر بچن اور جونیئر بچن کے لئے نیک خواہشات رکھتا ہوں اور امید کرتا ہوں کہ آپ کورونا وائرس سے جلد صحت یاب ہوں گے۔

Best wishes for @SrBachchan and @juniorbachchan . Hope you recover well and soon.

— Shahid Afridi (@SAfridiOfficial) July 12, 2020

خیال رہے کہ امیتابھ بچن، ان کے صاحبزادے ابھیشیک، بہو ایشوریا اور ان کی بیٹی ارادھیا میں کورونا وائرس کی تشخیص ہوئی ہے۔

امیتابھ بچن اور ابھیشیک اس وقت ممبئی کے ایک نجی ہسپتال میں داخل ہیں جہاں اسپتال انتظامیہ نے دونوں کی حالت تسلی بخش قرار دی ہے۔

امیتابھ اور ابھیشیک بچن نے ٹویٹر پر اپنا  کورونا وائرس کا ٹیسٹ مثبت آنے کی تصدیق کی تھی۔