ایل او سی : بھارت کی بلااشتعال فائرنگ ، کمسن لڑکی سمیت 5 شہری زخمی

بھارتی فوج کی جانب سے ایل او سی کی خلاف ورزی کم نہ ہوسکی، سرحدی علاقے کھوئی رتہ سیکٹر میں بلااشتعال فائرنگ کرکے کمسن لڑکی سمیت 5 شہری کو زخمی کردیا۔

پاک فوج کے شعبہ تعلقات عامہ آئی ایس پی آر کے مطابق بھارتی فوج نے لائن آف کنٹرول کے کھوئی رتہ سیکٹر پر بلا اشتعال

فائرنگ کی جس سے 11 سالہ لڑکی اور خاتون سمیت 5 افراد زخمی ہوئے۔

ترجمان پاک فوج کا کہنا تھا کہ پاک فوج کی جانب سے بھی بھارتی فوج کی بلا اشتعال فائرنگ کا مؤثر  دیا گیا اور

فائرنگ کرنے والی بھارتی پوسٹوں کو نشانہ بنایا گیا۔

دوسری جانب اس سے قبل بھارتی فوج نے رکھ چکری سیکٹر میں شہری آبادی کو بلا اشتعال فائرنگ کا نشانہ بنایا تھا

جس میں بزرگ خاتون زخمی ہوگئی ہیں، بھارت رواں سال اب تک سیزفائر کی 1643 بار خلاف ورزیاں کر چکا ہے۔