سعودی عرب اور امارات میں پاکستانیوں کیلئے ملازمت کے مواقع

عالمی وباء کے دوران سعودی عرب اور متحدہ عرب امارات کے بے روزگار پاکستانیوں کیلئے ملازمت کی راہیں ہموار ہوگئی، خیلجی ممالک کی جانب سے پاکستانی ہنرمند نوجوانوں کیلئے نئی ملازمتوں کے وسیع مواقع بھی دستیاب ہونا شروع ہو گئے ہیں۔

غانیہ نورین

جان لیوا وائرس کی وباء کے بعد دنیا بھر کی معیشت کا پہیہ جام ہوگیا تھا، بیرون ممالک میں پھنسے افراد بھی بیروزگار اور شدید مالی بحران کا شکار ہوگئے

تھے۔ تاہم سعودی عرب ، متحدہ عرب امارات اور بحرین نے پاکستانیوں کیلئے نئی ملازمتوں کے مواقع کا اعلان کردیا ہے۔

اردو نیوز کے مطابق پاکستان بیورو آف امیگریشن نے رواں ماہ اکتوبر کے پہلے 20 دنوں میں بیرون ملک ہزاروں نوکریوں کے لیے بھی اجازت نامے جاری

کیے ہیں۔ جبکہ صرف گزشتہ پانچ روز میں سعودی عرب اور متحدہ عرب امارات میں 1167 نوکریوں کے لیے اوورسیز ایمپلائمنٹ پروموٹرز کو اجازت نامے

جاری کیے ہیں۔

متحدہ عرب امارات اور بحرین کو مواصلات کے شعبے بالخصوص سڑکوں کی مشینری کے ٹیکنیشنز، فورمین، لیبر، ٹرک ڈرائیورز اور عام مزدور درکار

ہیں۔ جبکہ جن ملکوں نے پاکستان سے افرادی قوت طلب کی ہے ان میں سعودی عرب سرفہرست ہے۔

بیورو آف امیگریشن پاکستان کے مطابق سعودی عرب کی جانب سے جن شعبوں میں افرادی قوت کی ڈیمانڈ کی گئی ہے ان میں میڈیکل کے شعبے میں

فارماسسٹ، انیستھیزیا کے ماہرین، فزیو تھراپسٹ، ڈینٹل ٹیکنیشن، جنرل اور فرسٹ ایڈ نرسز (مرد و خواتین) شامل ہیں۔

معذور افراد کی دیکھ بھال اور ان کے زیراستعمال مشینری کے ٹیکنیشنز کے لیے بھی نوکریوں کے مواقع موجود ہیں۔

اس کے علاوہ مختلف شعبہ جات کے لیے الیکٹریشن، اے سی ٹیکنیشن، زرعی ماہرین، جنرل لیبر، مستری، پلمبر، فورمین، ڈرائیورز، خانسامہ اور کئی دیگر

کیٹیگریز کے ماہرین شامل ہیں۔