حکومتی احکام کےآگے تاجر برادری بھی اپنی ضد پرآڑ گئے

کاروباری مراکز کے اوقات کار تبدیل کرنے کے احکامات کو تاجر برادری نے مسترد کردیا۔

صبحین عماد

ملک بھر میں کورونا کی دوسری لہر اور تیزی سے بڑھتے ہوئے کیسز کے پیش نظر حکومت نے ایس او پیز پر عمل درآمد کرتے ہوئے انڈور شادی ہالز ،جم ،سینما کو فوری بند کرنے کا نوٹیفکشن جاری کردیا ہے ۔

دوسری جانب کاروباری اوقات میں بھی کمی کرنے کا فیصلہ کیا گیا ہے جس کی وجہ سے تاجر برادری کی جانب سے ردعمل سامنے آیا ہے اور حکومتی احکام کو مسترد کردیا ۔

تفصیلات کے مطابق کراچی کی بولٹن مارکیٹ ایسوسی ایشن نے حکومت کے صبح 6 سے شام 6 بجے تک کاروبار کرنے کا فیصلہ مسترد کر دیا ہے۔

کراچی کی بولٹن مارکیٹ ایسوسی ایشن کے صدر جاوید قریشی کا کہنا ہے کہ چھوٹا تاجر پہلے ہی پس چکا ہے، حکومت سے فیصلوں پر نظر ثانی کی اپیل کرتے ہیں۔

جاوید قریشی کا کہنا تھا کہ کورونا ایس او پیز پر عمل نہیں کر سکتے، مزاحمت کرنا پڑی تو کریں گے۔

خیال رہے کہ سندھ حکومت نے کورونا کیسز کے بڑھتے ہوئے کیسز کے پیش نظر نئی ایس او پیز جاری کی ہیں جس کے تحت کاروباری مراکز صبح 6 بجے سے شام 6 بجے تک کھولے جا سکیں گے۔