بلاول بھٹو کا 30 نومبر کو53واں یوم تاسیس منانے کا اعلان

چیئرمین پی پی بلاول بھٹو زرداری نت 30 نومبر کو 53واں یوم تاسیسی منانے کا اعلان کردیا، انکا کہنا ہے کہ پی پی پی یوم تاسیس کے موقع پر پی ڈی ایم کا جلسہ ملتان کے قلعہ کہنہ قاسم باغ اسٹیڈیم میں منعقد کرے گی۔

غانیہ نورین

پاکستان پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ٹوئٹر پر پیغام جاری کیا ہے کہ پاکستان پیپلزپارٹی 30 نومبر کو اپنا 53واں یوم تاسیس منانے جارہی ہے، پی پی پی اپنے یوم تاسیس کے موقع پر جنوبی پنجاب میں پاکستان ڈیموکریٹک موومنٹ کے جلسے کی میزبانی کرے گی۔

انکا مزید کہنا تھا کہ پی پی پی یوم تاسیس کے موقع پر پی ڈی ایم کا جلسہ ملتان کے قلعہ کہنہ قاسم باغ اسٹیڈیم میں منعقد کرے گی، میں عوام کو ملتان کے جلسے میں شرکت کی دعوت دیتا ہوں۔

PPP is going to mark our 53rd foundation day by hosting South Punjab Jalsa for Pakistan Democratic Movement on 30th Nov at Qila Kohna Qasim Bagh Stadium Multan. I would like to welcome everyone to join us. Please follow covid SOP’s. Wear a mask 😷.

— BilawalBhuttoZardari (@BBhuttoZardari) November 24, 2020

چیئرمین پی پی نے مزید کہا کہ ملتان جلسے میں شرکت کے موقع پر کرونا وائرس سے متعلق ایس او پیز پر عمل درآمد کی درخواست ہے، ملتان جلسے میں شرکت کے موقع پر ماسک پہننے کا اہتمام ضرور کریں۔