پاکستان دوست ملک چین سے بھارت خوفزدہ،مزید ایپلیکشنز پرپابندی

بھارت نے سیکیورٹی خدشات قرار دے کر مزید 43 چینی موبائل ایپلکیشن پر پابندی عائد کردی۔

غانیہ نورین

بھارت پاکستان دوست ملک چین سے خوفزدہ ہوگیا، لداخ کی سرحد پر ہوئی چین سے شرمناک شکست بھارت کے سیکیورٹی خدشات میں اضافہ کردیا، ایک بار پھر مودی سرکار کی جانب سے مزید موبائل ایپلیکیشنز پر پابندی عائد کردی ہے۔

رپورٹ کے مطابق بلاک کی جانے والی نئی موبائل ایپس میں علی بابا گروپ کی چار ایپس بھی شامل ہیں، بھارت نے چینی موبائل ایپلکیشن کو بند کرنے کی وجہ دفاعی اور سیکیورٹی خدشات قرار دیا ہے۔ بھارت میں اب تک ٹک ٹاک اور پب جی گیم سمیت 220 ایپس بند کی جاچکی ہیں۔

بھارتی وزارت الیکٹرانکس اینڈ انفارمیشن ٹکنالوجی نے ان موبائل ایپس پر انفارمیشن ٹکنالوجی ایکٹ کے سیکشن 69 اے کے تحت پابندی عائد کی۔ بھارت نے مؤقف اختیار کیا ہے کہ ان ایپس سے متعلق سائبر کرائم ونگ نے خطرات سے آگاہ کیا جس کے پیش نظر یہ اقدام اٹھایا گیا ہے۔

نئی پابندی کے شکار ایپس میں لالامو انڈیا، اسنیک ویڈیو، کیم کارڈ سمیت دیگر 43 شامل ہیں۔