انور مقصود کا یاسر حسین کے ساتھ لوز ٹاک کرنا مہنگا پڑ گیا

انور مقصود کا یاسر حسین کے ساتھ لوز ٹاک کرنا مہنگا پڑ گیا

61 views

ایک بار پھر یاسر حسین مداحوں کی جانب سے تنقید کے جال میں پھنس گئے ہیں اس بار وجہ ان کی کوئی تصویر یا دوسرے فنکاروں کے خلاف بیانات نہیں بلکہ اس بار انہوں نے کیا ایسا کام کا کہ مداح برہم ہوگئے۔

صبحین عماد

دراصل معروف ڈرامہ نویس، مزاح نگاراور میزبان انور مقصود نے یاسر حسین کے ساتھ معین اختر کا شو ’لوز ٹاک‘ کے طرز کا پروگرام کرنے کا سوچا اور یہ ہی بات ان کو مہنگی پڑ گئی کیوںکہ ایسا کرنے پر صارفین نے شدید ناراضگی اور برہمی کا اظہار کیا ہے۔

اپنی خداداد صلاحیتوں سے فلموں و ڈراموں میں خاص مقام بنانے والے معین اختر کا کوئی ثانی نہیں۔انہوں نے طنز ومزاح سے بھرپور جملوں سے تہذیب کا ایک نیا پہلو متعارف کروایا اور اپنی اداکاری اور منفرد انداز رکھنے کی وجہ سے لوگوں کے دلوں میں گھر کرلیا ، ڈراموں کی بات کی جائے تو انہوں نے ’’روزی‘‘، ’’انتظار فرمائیے‘‘، ’’بندر روڈ سے کیماڑی‘‘، ’’آنگن ٹیڑھا‘‘، ’’اسٹوڈیو ڈھائی‘‘، ’’اسٹوڈیو پونے تین‘‘، ’’یس سر نو سر‘‘ اور’’عید ٹرین‘‘ جیسے متعدد ڈرامے کیے جس نے لوگوں کو مسکراہٹ کا ایک یاد گار دور دیا۔

معین اختر نے ڈراموں کے ساتھ کئی فلموں میں بھی اداکاری کے جوہر دکھائے یہاں تک کہ انہوں نےایک نجی چینل کے لیے ’لوز ٹاک‘ کے نام‘ سےچارسو اقساط پر مشتمل شوز بھی کئے جوکہ اُن کے کیریئر کا منفرد ریکارڈ بھی ہے۔

’لوز ٹاک‘ شو کی خاص بات تھی کہ اس میں انور مقصود میزبان اور معین اختر مہمان کے فرائض انجام دیتے تھے اور ہر نئی آنے والی قسط میں مختلف کرداروں کے روپ دھار کر انٹرویو دیتے تھے اور سیاست ہو یا معاشرے کی تلخیاں وہ کسی بھی موضوع کو اس طرح بیان کرتے کہ دیکھنے والے ہنسی سے بے حال ہو جاتے تھے۔

ہنسی اور طنز و مجاح کے بادشاہ سمجھے جانے والے معین اختر اور لوز ٹاک ڈرامہ آج بھی مداحوں کا پسندیدہ ترین ہے۔

اس مقبول ترین شو کو معین اختر کی وفات کے بعد بند کردیا گیا تھا تاہم اب اسی طرز پر ایک شو انور مقصود کی میزبانی میں نشر کیا جا رہا ہے ۔

جس میں معین اختر کی جگہ اداکارہ یاسر حسین مہمان کا کردار ادا کررہے ہیں لیکن ایسا لگ رہا ہے کہ یاسر حسین کے ستارے شدید گردش میں ہیں کیونکہ شو کے پہلی قسط نے ہی سوشل میڈیا پر ایک ہنگامہ مچا دیا ہے اور صارفین کی جانب سے شدید تنقید کی جارہی ہے۔

صارفین کا کہنا ہے کہ شو میں معین اختر کی جگہ یاسر حسین کی بجائے عمر شریف اور شکیل آفریدی اچھا انتخاب ہو سکتے تھے کیوں کہ یہ دونوں اداکار بھی لیجنڈ ہیں۔

اس کے علاوہ ایک صارف کا کہنا تھا کہ سب کے لئے2020 بہت بُرا سال رہا ہے اور ستم ظریفی یہ ہے کہ انور مقصود صاحب مقبول ترین شو’ لوز ٹاک‘ جیسا شو شروع کر رہے ہیں جس میں معین اختر کی جگہ یاسر حسین نظر آئیں گے جوکہ لیجنڈ اداکار کی بے عزتی ہے۔ اپن کی جگہ کوئی نہیں لے سکتا۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *