لاہور قلندرز نے فخرزمان کو ریلیز کردیا

پاکستان سپر لیگ کی ٹیم لاہور قلندرز نے بیٹسمین فخر زمان کو ریلیز کر دیا ہے اور اب وہ آئندہ سیزن کے لیے ڈرافٹ میں شامل ہوں گے۔

غانیہ نورین

پاکستان سپر لیگ کی ٹیم لاہور قلندرز کے جارحانہ بلے باز فخر زمان نے اپنی راہیں جدا کرلیں، انہوں نے خبر کی اطلاع سماجی رابطے کی ویب سائٹ پر پوسٹ کرکے دی۔

مائیکرو بلاگنگ کی سائٹ ٹوئٹر پر فخر زمان نے لکھا کہ یں لاہور قلندرز کی انتظامیہ کا شکریہ ادا کرتا ہوں جنہوں نے مجھے موقع دیا۔ میرے کامیاب کیرئیر میں لاہور قلندرز کا بہت اہم کردار رہا ہے۔ آئندہ سیزن میں نئے چیلنجز کا سامنا کرنے کا منتظر ہوں۔

Thank you @lahoreqalandars for the last 4 memorable seasons. You’ve played a huge role in my career by providing me an opportunity to showcase my skills.
Looking forward to a new challenge in the upcoming season. pic.twitter.com/sDC7CnanHD

— Fakhar Zaman (@FakharZamanLive) December 30, 2020

خیال رہے کہ اوپنر فخرزمان چار سیزنز تک لاہور قلندرز کے ساتھ وابستہ رہے اور اب وہ پی ایس ایل 6 میں نئی فرنچائز کی طرف سے کھیلیں گے۔

پاکستان سپر لیگ کا چھٹا ایڈیشن 20 فروری سے شروع ہونا ہے جبکہ پلیئرز ڈرافٹ 10 فروری کو ہوں گے، پلیئرز ڈرافٹ سے قبل کھلاڑیوں کی ری ٹیشن کا مرحلہ جاری ہے، ہر فرنچائز آٹھ کھلاڑیوں کو ری ٹین (برقرار) رکھ سکتی ہے۔