فائیو جی ٹیکنالوجی دور جدید کی بہترین تخلیق

فائیو جی ٹیکنالوجی دور جدید کی بہترین تخلیق

44 views

 اس وقت دنیا کی تمام طاقتیں اپنا زیادہ تر زور ٹیکنالوجی کی ففتھ جنریشن (5 جی) پر لگارہی ہے کیونکہ فائیو جی کے حصول کا مطلب مستقبل میں دنیا پر حکمرانی کرنا ہے۔

غانیہ نورین

فائیو جی موجودہ فور جی نیٹ ورک کی کارکردگیوں کے مقابلے میں کہیں زیادہ تیز رفتار ہے، اس ٹیکنالوجی کے ذریعے صارفین کو ڈیٹا منتقل کرنے لیے چند سیکنڈز درکار ہونگے یعنی صارف فلمیں ، ایپس ، بھاری میڈیا فائلز اور سوفٹ ویئرز وغیرہ باآسانی ڈاؤن لوڈ کرسکتے ہیں جبکہ اس کے علاوہ 5 جی تھری ڈی فلمیں ،  گیمز اور الٹرا ہائی ڈیفینیشن (یو ایچ ڈی) مواد جیسی سہولیات بھی فراہم کریں گا۔ 5 جی میں اٹھائیس سے ایک سو گیگا ہرٹز کے درمیان فریکسوئنسیز استعمال کی جائیں گی ۔

نظام مواصلات میں بہتری

فائیوجی ٹیکنالوجی کے ذریعے مواصلات کے نظام میں کافی حد تبدیلی آئے گی جس کے ذریعے سفر کے نظام کو محفوظ بنایا جائے گا۔ بسیں ،کاریں اور ٹرالرز ایک دوسرے سے رابطے میں ہونگے جبکہ ٹریفک کے قوانین کو بھی یقینی بنایا جائے گا اور اس کی مدد سے ٹریفک کے بہاؤ میں رکاوٹ اور رش جیسے مسائل پر بھی قابو پایا جاسکے گا۔

How 5G will Impact the Transportation Industry

اس کے علاوہ الیکڑک ٹرین اور بسوں کی تخلیق میں بھی اضافہ ہوگا جس سے طویل راستوں کا سفر منٹوں میں سمٹ کر رہ جائے گا۔

فائیوجی ٹیکنالوجی سے ریموٹ سرجری

نظام صحت میں بھی فائیو جی ٹیکنالوجی کارآمد ثابت ہوگا، میلوں بیٹھے ڈاکٹرز ففتھ جنریشن ٹیکنالوجی کے ذریعے صحت کے مسائل کو حل کرسکے گے، جبکہ ساتھ ہی مشکل ترین انسانی اعضاء کی سرجری بھی انجام دے سکے گے۔

Chinese medical team completes 5G-enabled remote surgery test - YouTube

اس ٹیکنالوجی کے ذریعے اسپتال ریموٹ سرجری کو ترجیح دے سکتے ہیں ، اس کے علاوہ میڈیکل ریسرچ میں بھی اس ٹیکنالوجی کا استعمال کیا جاسکتا ہے۔

صنعتی شعبوں میں خودکار مشین کا اضافہ

فائیوجی کے ذریعے روبوٹک ٹیکنالوجی کو بھی ترقی ملے گی، جس کے بعد صنعتی شعبے میں خودکار مشینری کی ضروریات بڑھ جائے گی تاہم ہزاروں کی تعداد میں ملازمتوں کے مواقع بھی پیدا ہوں گے۔

How 5G will Revolutionize Manufacturing | AT&T Business Insights

فائیو جی میں مختلف انواع کی نئی ٹیکنالوجیز شامل ہیں جو فزیکل، ڈیجیٹل، بائیولوجیکل دنیائوں کو یکجا کر رہی ہیں اور تمام شعبوں، معیشتوں و صنعتوں پر اثر انداز ہونے کے ساتھ ساتھ ان کے بارے میں تصورات کو بھی چیلنج کر رہی ہیں۔

ففتھ جنریشن ٹیکنالوجی اور مصنوعی ذہانت

فائیو جی میں مصنوعی ذہانت کو پروان دیا جائے گا، مشین لرننگ اور مصنوعی ذہانت بہت سی جگہوں پر مختلف فیصلے لینے کیلئے استعمال ہونگے جن میں عدالتیں، ہیلتھ کیئر کے ادارے اور مالی ادارے شامل ہیں۔

5G and AI Expected to bring heightened cybersecurity risks - ELE Times

ساتھ ہی اس ٹیکنالوجی کی مدد سے قومی سلامتی کے فروغ کو بھی یقینی بنایا جائے گا۔

مصنوعی ذہانت کے ذریعے جنگ کی منصوبہ بندی بھی کی جاسکتی ہے یعنی مستقبل میں ہونے والی جنگوں کو مصنوعی ذہانت سے کنٹرول کیا جائے گا۔

فائیوجی کا استعمال

سویڈن کی ٹیلی کمیونیکیشن کمیپنی کا کہنا ہے کہ 2024 میں دنیا کی 40فیصد آبادی فائیو جی پر انحصار کرےگی جبکہ اس وقت جنوبی کوریا ،امریکا اور چین کے مختلف حصوں میں صارفین اس ٹیکنالوجی سے آراستہ ہورہے ہیں۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *