جنوبی افریقہ کے خلاف ٹیسٹ سیریز کے لیے قومی اسکواڈ کا اعلان

پاکستان کرکٹ بورڈ نے جنوبی افریقہ کے خلاف ٹیسٹ سیریز کے لیے 20 رکنی قومی اسکواڈ کا اعلان کردیا، جنوبی افریقہ کے خلاف ہوم سیریز میں قومی ٹیم کی قیادت بابر اعظم کریں گے۔

غانیہ نورین

پاکستان کرکٹ بورڈ کے مطابق جنوبی افریقہ کے خلاف ٹیسٹ سیریز کیلئے 20 رکنی قومی اسکواڈ میں محمد رضوان، عابد علی، عمران بٹ، اظہر علی، فواد عالم، سرفراز احمد، فہیم اشرف، یاسر شاہ، شاہین شاہ آفریدی، عبد اللہ شفیق، آغا سلیمان، سعود شکیل، کامران غلام، ساجد خان، تابش خان، حارث رؤف، ایم نواز، نعمان علی اور حسن علی کو شامل کیا گیا ہے۔

pic.twitter.com/UVnmuco7X7

— Pakistan Cricket (@TheRealPCB) January 15, 2021

پی سی بی کے مطابق قومی ٹیم کی قیادت جارحانہ بلے باز بابر اعظم کریں گے، پاکستان اور جنوبی افریقا کی ٹیموں کے درمیان ٹیسٹ سیریز کا آغاز 26 جنوری سے کراچی میں ہو گا۔

کراچی میں نیوز کانفرنس کرتے ہوئے چیف سلیکٹر محمد وسیم نے بتایا کہ جنوبی افریقہ کے خلاف ٹیسٹ سیریز کے لئے ظفر گوہر، شان مسعود ، محمد عباس امام الحق ،شاداب خان اور نسیم شاہ کو ڈراپ کردیا گیا ہے۔