پی ایس ایل سیزن 6: فیشن برینڈ لانچ میں پشاور زلمی سب سے آگے

January 18, 2021 0

24 views

پاکستان سپر لیگ کے سیزن 6 کی سرگرمیوں کا آغاز زور و شور سے ہوگیا، پشاور زلمی برینڈ لانچنگ میں سب سے آگے نکل گئی، معروف اداکار علی رحمان سمیت زلمی کے کھلاڑیوں نے فوٹو سیشن کرائے۔

غانیہ نورین

پاکستان کا سب سے بڑا کرکٹ ایونٹ پاکستان سپر لیگ سیزن 6 اپنی تمام تر رعنائیوں کے ساتھ ایک بار پھر لوٹ آیا، ملک میں جلد ہی سنسنی خیز مقابلوں کا سلسلہ پھر سے شروع ہونے والا ہے، جہاں کرکٹ شائقین غیر ملکی کھلاڑیوں کو بھرپور انداز میں پرفارم کرتا دیکھ سکیں گے۔

پاکستان سپر لیگ کے مقبول ترین فرنچائز پشاور زلمی آغاز سے کرکٹ شائقین کی اولین ترجیح رہی ہے، جس کی وجہ کھلاڑیوں کی جانب سے دلچسپ ایکٹیویٹی اور سرگرمیاں کرکٹ شائقین کی توجہ کا مرکز بنتی ہے۔

میڈیا اور برانڈ ویلیو کے لحاظ سے پاکستان سپر لیگ کی نمبرون فرنچائز پشاور زلمی نے پی ایس ایل چھ سے قبل اپنی سرگرمیوں کا آغاز کردیا۔

پشاور زلمی اپنا فیشن برینڈ لانچ کرنے والی پی ایس ایل کی پہلی فرنچائز بن گئی۔

پشاور زلمی کے نوجوان کرکٹرز نے فیشن برینڈ کی لانچنگ پر خوشی کا اظہار کیا. حیدر علی کو سرپرائز کے طور پر پہلی شرٹ پہنچائی گئی جس پر انہوں نے خوشی کا اظہار کیا کامران اکمل کو بھی شرٹس پہنچائی گئی جس کے بعد انہوں نے فٹنس ورک آؤٹ کرتے ہوئے زلمی فیشن برینڈ کی شرٹس زیب تن کی اس کے علاوہ دیگر کرکٹرز نے بھی مارخور شرٹ پہن کر ماڈلنگ کی۔

معروف ماڈل اور ٹی وی فلم کے اداکار علی رحمان خان نے زلمی فیشن برینڈ کے لئے خصوصی فوٹو سیشن اور شوٹ کروایا جس کی ویڈیو کو سوشل میڈیا پر خوب پزیرائی مل رہی ہے۔