چینی کی بڑھتی قیمتوں کو روکنے کے لیے حکومت کا بڑا فیصلہ

ملک میں چینی کی بڑھتی قیمتوں کو روکنے کے لیے وفاقی حکومت متحرک ہوگئیں، حکومت پاکستان نے بیرون ملک سے چینی درآمد کرنے پر غور شروع کردیا۔

غانیہ نورین

سال 2021 میں ملک میں مہنگائی کی شرح کو کم کرنے کے لیے حکومت پاکستان نے کمر کس لی، وفاقی وزیر صنعت و پیداوار حماد اظہر نے تفصیلات بتادی۔

سماجی رابطے کی ویب سائٹ پر حماد اظہر نے لکھا کہ 5 لاکھ ٹن چینی درآمد کرنے کی سمری اقتصادی رابطہ کمیٹی (ای سی سی) کے اگلے اجلاس میں پیش کی جائے گی۔ عبوری تخمینہ کے مطابق چینی کی مقامی پیداوار گزشتہ سیزن کی نسبت زیادہ رہے گی جبکہ چینی درآمد کی تجویز گزشتہ اسٹاک میں کمی کی وجہ سے زیر غور ہے۔

The provinces will be advised to release this sugar at retail stage at subsidised and control rates.

Cane commissioners have reported ample supply of sugar and sugar cane for the time being. Any reports to the contrary are fake news.

— Hammad Azhar (@Hammad_Azhar) January 17, 2021

حماد اظہر کا کہنا ہے کہ ٹریڈنگ کارپوریشن کو صوبوں کی مشاورت سے چینی جلد درآمد کرنے اور سبسڈی کنٹرول ریٹ پر چینی کے اجراء کی سفارش کی جائے گی۔

دوسری جانب کین کمشنرز پنجاب نے فی الحال چینی اور گنّے کی وافر سپلائی کی اطلاع دی ہے۔