سیکیورٹی فورسز کا خفیہ آپریشن، شمالی وزیرستان میں 2 دہشت گرد ہلاک۔۔

شمالی وزیرستان میں سیکیورٹی فورسز نے خفیہ آپریشن کرکے2 دہشت گرد ہلاک کردیے جب کہ ایک کو گرفتار کرلیا گیا ۔

آئی ایس پی آر کے مطابق شمالی وزیرستان کے علاقے نرگوسا میں سیکیورٹی فورسز نے دہشتگردوں کی موجودگی کی اطلاعات پر آپریشن کیا۔

جھڑپ کے دوران 2 دہشت گرد ہلاک جب کہ ایک دہشت گرد زخمی ہواجس کو گرفتار کرلیا گیا۔

ہلاک ہونے والے دہشتگردوں کی شناخت عثمان علی اور وحید لشتئی کے نام سے ہوئی ہے، مارے گئے دہشت گرد تحریک طالبان سجنا گروپ کے سرگرم رکن اور آئی ای ڈیز بنانےکے ماہر تھے۔

دہشتگرد عثمان 14 اکتوبر 2020 کو سیکیورٹی فورسز پر حملے میں ملوث تھے جبکہ 14 اکتوبر 2020 کے حملے میں کیپٹن عمر چیمہ، 2 جے سی اوز اور 3 سپاہی شہید ہوئے تھے ،اور  14 اکتوبر 2020 کے سیکیورٹی فورسز پر حملے میں 4 سپاہی زخمی ہوئے تھے

واضح رہے کہ شمالی وزیرستان میں ایک مرتبہ پھر دہشتگردوں کی کارروائیاں بڑھتی جارہی ہے۔