قومی ادارہ برائے امراض قلب کے نام ایوارڈ

این آئی سی وی ڈی ہیلتھ کیئر نیٹ ورک کو کارپوریٹ سوشل ریسپانسبلٹی (سی ایس آر)2021کے 10ایوارڈز سے نوازا گیا۔

این آئی سی وی ڈی کی جانب سے جاری بیان کے مطابق قومی ادارہ برائے امراضِ قلب (این آئی سی وی ڈی) کے لئے یہ بات باعث اعزاز ہے کہ اس کو 10ویں سالانہ کارپوریٹ سوشل ریسپانسبلٹی سمٹ2021 میں پورے ملک سے آنے والے مریضوں کو بلا امتیاز طبّی خدمات فراہم کرنے پر 10ایوارڈ زسے نوازا گیا۔

یہ کامیابی این آئی سی وی ڈی کے ایگزیکٹیو ڈائریکٹر کی بے مثال قیاد ت اور این آئی سی وی ڈی کے منجمنٹ کنسلٹنٹ کی غیرمعمولی کاوشوں اور انتھک محنت کا نتیجہ ہے، جو ہمیشہ مریضوں کو امراضِ قلب کا جدید و معیاری علاج انہی کے گھروں کے قریب بالکل مفت فراہم کرنے کے لئے ہر وقت کوشاں رہتے ہیں۔

این آئی سی وی ڈی کو دنیا میں امراضِ قلب کے علاج کے لئے بہترین ادارہ بنانے پر پروفیسر ندیم قمر، حیدر اعوان اور عذرہ مقصو د مبارکباد کے مستحق ہیں۔

این آئی سی وی ڈی منجمنٹ نے ٹیم کو مبارکباد دیتے ہوئے کہا کہ پروفیسر ندیم قمر کے وژن کے مطابق پورے صوبہ سندھ میں این آئی سی وی ڈی کی ہسپتالوں اور چیسٹ پین یونٹس کا جال بچھایا گیا ہے، تاکہ ہر دل کے مریض کو امراضِ قلب جدید و مہنگا علاج انہی کے گھروں کے قریب مفت فراہم ہو سکے۔

انہوں نے مزید کہا کہ 4سال کے مختصر عرصے میں 10اسٹیٹ آف دی آرٹ ہسپتالیں اور 19چیسٹ پین یونٹس قائم کیے گئے ہیں، جو ادارے کی بے مثال کامیابی ہے۔ این آئی سی وی ڈی ہیلتھ کیئر نیٹ

ورک پورے ملک سے آنے والے مریضوں کو امراضِ قلب کا علاج بالکل مفت فراہم کرنے میں دن رات مصروف عمل ہے۔

Source NICVD