سعودی عرب میں رمضان المبارک اور عیدالفطر کا چاند کب نظرآئے گا؟

جغرافیائی علوم کے ماہرین نے 12 اپریل کو سعوی عرب میں رمضان کا چاند نظر آنے نوید سنا دی جس کے مطابق پہلا روزہ 13 اپریل 2021 کو ہوگا۔

غانیہ نورین

سعودی عرب میں برکتوں اور رحمتوں کے مہینے رمضان المبارک اور عیدالفطر کی تیاریاں عروج پر پہنچ گئی ہیں، جہاں سب سے پہلے سعودی ماہر فلکیات کی نظریں رمضان المبارک کے چاند پر جمالی۔

 العربیہ نیٹ کے مطابق عبداللہ المسند نے بتایا کہ رواں سال رمضان کے پورے 30 روزے ہوں گے۔ 12 مئی 2021 کو رمضان کا آخری روزہ ہوگا جبکہ عید کا تہوار جمعرات 13 مئی 2021 کو منایا جائے گا۔

المسند نے توجہ دلائی کہ 29 رمضان منگل کو چاند سورج کے غروب ہونے سے بارہ منٹ پہلے چھپ جائے گا لہٰذا 29 رمضان کو چاند نظر نہیں آئے گا۔

المسند نے توجہ دلائی کہ جو لوگ رمضان اور عید الفطر کے حوالے سے اپنے پروگرام بنانا چاہتے ہوں وہ اس بات کو مدنظر رکھیں کہ رمضان کا پہلا روزہ 13 اپریل اور عید الفطر 13 مئی کو ہوگی۔ ریزرویشن یا تقریبات وغیرہ مقرر کرتے وقت اس بات کو مدنظر رکھا جائے۔