جاپان، عمان، روس اور امریکی بحری افواج کے ساتھ دو طرفہ مشقوں کا انعقاد

جاپان، عمان، روس اور امریکی بحری افواج کے ساتھ دو طرفہ مشقوں کا انعقاد

5 views

پاک بحریہ کی جانب سے جاپان، عمان، روس اور امریکی بحری افواج کے ساتھ دو طرفہ مشقوں کا انعقاد کیا گیا۔

ترجمان پاک بحریہ کے مطابق پاک بحریہ کے جہاز پی این ایس عالمگیر نے جہاز پر موجود ہیلی کاپٹر کے ساتھ خلیج عدن اور شمالی بحیرہ عرب میں جاپانی میری ٹائم سیلف ڈیفنس فورس کے جہاز آریاکے (ARIAKE)، رائل عمان نیوی کے جہاز خصاب (KHASSAB)، روسی بحریہ کے جہاز وں سٹوائیکی اور کولا ( STOIKY & KOLA) اور امریکی بحری جہاز جان پال جونز ( JOHN PAUL JONES) کے ساتھ دو طرفہ مشترکہ مشقوں کا انعقاد کیا۔ مشترکہ مشقوں کا مقصد باہمی آپریشنز کی صلاحیتوں میں اضافہ اور خطے کی میری ٹائم سیکیورٹی کے لئے مشترکہ کاوشوں کو تقویت بخشنا تھا۔

پی این ایس عالمگیر اس وقت خلیج عدن اور شمالی بحیرہ عرب میں ریجنل میری ٹائم سیکیورٹی پیٹرولز پر معمور ہے۔ یہ پیٹرولز خطے کی میری ٹائم سیکیورٹی اور میری ٹائم دہشت گردی، بحری قذاقی اور منشیات اور انسانی اسمگلنگ کے خلاف عالمی کاوشوں کو فروغ دینے کے لئے پاک بحریہ کا ایک اہم قدم ہیں۔

پاک بحریہ خطے کی میری ٹائم سیکیورٹی اور تحفظ میں اپنا بھرپور کردار ادا کرنے کے لئے پر عزم ہے۔ پاک بحریہ کی ریجنل میری ٹائم سیکیورٹی پیٹرولزکے تحت حالیہ تعیناتیاں اور پی این ایس عالمگیر کی دو طرفہ مشقوں میں شرکت دوست ممالک کی بحری افواج کے ساتھ قریبی تعلقات برقرار رکھتے ہوئے سمندر میں امن و استحکام قائم رکھنے کے پاک بحریہ کے عزم کی عکاس ہیں۔

Source: Pakistan Navy

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *