سپر ماریو برادرز کی 35 سال پرانی گیم کارٹریج کروڑوں روپے میں نیلام۔۔

سپرماریو برادرز کی 35 سالہ پرانی گیم کارٹریج اب چھ لاکھ ساٹھ ہزار ڈالر میں فروخت ہوئی ہے جو پاکستانی روپوں میں دس کروڑ کے لگ بھگ ہے۔

صبحین عماد

نوے کی دہائی کے افراد میں شاید ہی ایسا کوئی ہو جس نے ماریو گیم کا نام نہ سنا ہو یا کھیلا نہ ہو لیکن اب اسے ڈجیٹل ویڈیو گیم کی تاریخ میں سب سے مہنگا فروخت ہونے والا گیم کہا جاسکتا ہے۔

تفصیلات کے مطابق ڈیلاس میں واقع نیلامی کی کمپنی نے کہا ہے کہ سپرماریو برادرز کی گیم کارٹریج(کیسٹ) 1986 میں کرسمس پر تحقے کے لیے خریدی گئی تھی اور یہ دفتر کے دراز میں رکھی تھی۔

اس گیم کی مہر بھی نہیں کھولی گئی اور یوں اسے استعمال کرنے کا سوال ہی پیدا نہیں ہوتا۔ اس طرح کسی نیلامی میں پیش کیا جانے والا یہ گیم سب سے بہترین حالت میں ملا ہے۔ اس گیم کا پہلا ورژن 1986 میں نائنٹینڈو نے ریلیز کیا تھا لیکن 1987 میں اس کی پیکنگ تبدیل کردی تھی اور یہی وجہ ہے کہ 1986 کی پیکنگ والے صرف چند گیم ہی موجود ہیں جو اب نایاب ترین شمار ہوتےہیں۔

Price eclipses previous record of $114,000!

The finest known copy of the oldest sealed hangtab Super Mario Bros. smashed the previous record for the most ever paid for a video game when it sold for $660,000 in HA’s Comics & Comic Art Auction! #WORLDRECORD https://t.co/euEvVIUGT1 pic.twitter.com/KV6XyudieY

— Heritage Auctions (@HeritageAuction) April 2, 2021

ہیریٹیج آکشنز سے وابستہ ماہر ویلری مِک لیکی کے مطابق اس گیم کی کاپیاں بہت کم بنائی گئیں اور اب خال خال ہی ملتی ہیں۔ یہی وجہ ہے کہ یہ سپرماریو برادرز کی یہ نایاب گیم کارٹریج ہوش ربا داموں پر فروخت ہوئی ہے۔ اسے قبل گزشتہ نومبر سپر ماریو برادرز تھری کا گیم کارٹریج ایک لاکھ چھپن ہزار ڈالر میں نیلام ہوا تھا

source: Express News

content: Sabheen Ammad