پاک بحریہ نے مینگرووز اگاو مہم 2021 کا آغاز کر دیا

پاک بحریہ نے مینگرووز اگاو مہم 2021 کا آغاز کر دیا

13 views

پاک بحریہ نے صوبہ سندھ اور بلوچستان کے ساحلی علاقوں میں مینگرووز کے پودے لگانے کی مہم کا آغاز کر دیا ہے۔ کمانڈر کوسٹ وائس ایڈمرل زاہد الیاس نے اس موقع پر مہمان خصوصی کی حیثیت سے پورٹ بن قاسم کے علاقے میں تیمرکا پودا لگا کر پاک بحریہ کی مینگرووز اگاؤ مہم 2021 کا افتتاح کیا۔

مینگرووز ساحلی ماحولیاتی نظام ، سمندری کٹاو کی روک تھام اور آبی حیات کے بچاو کے لئے ناگزیر ہیں۔ میری ٹائم ڈومین کا ایک اہم شراکت دارہونے کے ناطے اور آبی حیات کے لئے مینگرووز کی اہمیت کے پیش نظر پاک بحریہ نے ساحل کے ساتھ ساتھ مینگرووز کے جنگلات کی ازسرنو بحالی کے لئے اس ضمن میں اہم قدم اٹھایا ہے۔

آلودگی کے خاتمے ، ساحلی کٹاؤ کا مقابلہ کرنے اور ساحلی عوام کو معاشی ترقی کے متعدد مواقع فراہم کرنے میں مینگرووز کے جنگلات کی ایک خاص اہمیت ہے اور اس کی افزائش پاک بحریہ کے ماحول بچاو پروگرام کا ایک اہم جزو ہے جس کے تحت پاک بحریہ نے انٹرنیشنل یونین فار کنزرویشن آف نیچر محکمہ جنگلات سندھ اور بلوچستان کے اشتراک سے شاہ بندر سے جیوانی تک ستر لاکھ سے زیادہ مینگروز کے پودے اُگائے ہیں۔

اس موقع پر ، پاک بحریہ کے سربراہ نے اپنے پیغام میں مینگروز کے جنگلات کی بقا کو درپیش ماحولیاتی چیلنجز پر روشنی ڈالی۔ مینگرووز کے وسیع و عریض علاقے پر محیط جنگلات غیر معمولی حد تک کم ہو چکے ہیں جس کے پیچھے سمندری کٹاو، تازہ پانی کی فراہمی میں کمی، سمندری آلودگی، اور مینگروز کی غیر قانونی کٹائی جیسے عوامل کارفرما ہیں ۔

اس لئے ضروری ہے کے مینگروز کے نئے جنگلات اُگانے کے ساتھ ساتھ پہلے سے موجود جنگلات کی حفاظت کو یقینی بنایا جائے۔ پاک بحریہ کے سربراہ نے اپنے پیغام میں سرسبز و شاداب ساحلی پٹی کے لئے پاک بحریہ کی مینگروز اگاؤ مہم کی افادیت پر روشنی ڈالی۔ انہوں نے اس بات پر بھی زور ڈالا کے مینگروز لگاؤ مہم کے لئے مشترکہ کاوشوں سے مثبت نتائج حاصل ہوں گے۔ ماحول کو بہتر بنانے، سیلابوں سے نمٹنے، روزگار کی فراہمی، فوڈ سکیورٹی کو یقینی بنانے، ماجولیاتی تبدیلی کے اثرات اور سطح سمندرمیں اضافے کو کم کرنے سے ہمیں قدرتی آفات سے نمٹنے میں مدد ملے گی۔

کرونا وباء کے پھیلاؤ کے باعث مینگرووز اگاؤ مہم کی افتتاحی تقریب میں سندھ اور بلوچستان کے محکمہ جنگلات اور انٹرنیشنل یونین فار کنزرویشن آف نیچر کے نمائندوں نے محدود تعداد میں شرکت کی۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *