پاک بحریہ کے سابق سربراہ انتقال کرگئے۔۔

پاک بحریہ کے سابق سربراہ انتقال کرگئے۔۔

84 views

پاک بحریہ کے سابق سربراہ ایڈمرل کرامت رحمان نیازی دنیائےفانی سے کوچ کرگئے۔

ترجمان پاک بحریہ کی تفصیلات کے مطابق پاک بحریہ کے سابق سربراہ ایڈمرل کرامت رحمان نیازی کا انتقال اسلام آباد میں ہوا۔ سربراہ پاک بحریہ ایڈمرل محمد امجد خان نیازی نے کرامت رحمان نیازی کے انتقال پر اظہار تعزیت کیا اور مرحوم کے لیے دعائے مغفرت کی۔

نیول چیف نے لواحقین کے لیے صبر جمیل کی دعا بھی کی۔ ایڈمرل محمد امجد خان نیازی کی جانب سے کرامت رحمان نیازی کی خدمات کو خراج عقیدت بھی پیش کیا گیا۔

ترجمان پاک بحریہ کے مطابق سابق سربراہ ایڈمرل کرامت رحمان نیازی نے 1951 میں پاک بحریہ میں کمیشن حاصل کیا تھا۔

کرامت رحمان نیازی 1979 سے 1983 تک پاک بحریہ کے سربراہ رہے۔ انہوں نے 1956 میں پاک بحریہ میں کمیشن حاصل کیا اور 1964 میں پاکستان کی پہلی آبدوز ’’غازی‘‘ کے کمانڈر بنے

کرامت رحمان نیازی نے 1965 اور 1971 کی جنگوں میں حصہ لیا اور نشان امتیاز(ملٹری)، ستارہ جرات (ملٹری) اور ہلال امتیاز (ملٹری) کے اعزازات حاصل کیے۔

کرامت رحمان نیازی 22 مارچ 1979 کو پاکستان بحریہ کے چیف آف اسٹاف بنے اور 23 مارچ 1983 تک اس عہدے پر فائز رہے۔

source: Hum News

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *