بجٹ کا اعلان: 20 ارب کی ٹیکس چھوٹ ختم کرنے کا امکان ۔۔

 بجٹ کا اعلان: 20 ارب کی ٹیکس چھوٹ ختم کرنے کا امکان ۔۔

26 views

پاکستان تحریک انصاف کی حکومت کے چوتھے وزیر خزانہ شوکت ترین گیارہ جون کو اپنا پہلا بجٹ پارلیمنٹ میں پیش کریں گے بجٹ میں 20 ارب ٹیکس چھوٹ ختم کرنے کا امکان۔

ترتیب و تدوین: صبحین عماد

تنخواہوں میں اضافہ

آئندہ مالی سال کے بجٹ کا کل حجم 8000 ارب روپےکےلگ بھگ ہوگا،ملازمین کی تنخواہوں میں دس سے پندرہ فیصد اضافہ متوقع ہے، معیشت کا حجم 52 ہزار 57 ارب روپے تک پہنچے گا۔ معاشی ترقی کی شرح 4.8 فی صد ہوگی، 3060 ارب روپے قرضوں اور سود پر خرچ ہوں گے، متعدد شعبوں کیلئے ٹیکس چھوٹ ختم کیے جانے کا امکان ہے۔

ٹیکس چھوٹ ختم

آئندہ بجٹ میں 20 ارب روپے سے زائد کی انکم ٹیکس چھوٹ ختم کیے جانے کا امکان ہے۔ تنخواہ دار طبقے کے میڈیکل الاؤنس پر، کارپوریٹ ایگریکلچرل انکم کے منافع پر اور قبائلی علاقہ جات میں کاروبار پر 4 ارب روپے کی انکم ٹیکس چھوٹ ختم کرنے کی تجاویز ہیں۔

دفاعی بجٹ 1400 ارب روپے

سالانہ ترقیاتی پروگرام900ارب روپےرکھاجائےگا۔ صوبوں کا ترقیاتی بجٹ  1000 ارب روپے ہوگا، سبسڈیزکی مد میں 530 ارب روپےرکھےجاسکتےہیں۔ دفاعی بجٹ 1400ارب سے زائد رکھے جانےکا امکان ہے۔

آمدن

آئندہ بجٹ میں ٹیکس آمدن  5820 ارب روپے اور نان ٹیکس آمدن  1420 ارب روپے ہوسکتی ہے۔ تعمیراتی شعبے کیلئے ایمنسٹی کی مدت میں توسیع کا امکان ہے۔ آئی ایم ایف کی رضا مندی پر کنسٹرکشن ایمنسٹی اسکیم کی مدت ستمبر یا دسمبر 2021 تک بڑھنے کا امکان ہے۔ آرڈیننس کے تحت مدت میں 3 یا 6 ماہ کی توسیع ہو سکتی ہے۔ تعمیراتی شعبے کیلئے دی گئی اسکیم کے تحت 140 ارب کے 350 منصوبے رجسٹرڈ ہوئے اور اس اسکیم کی ڈیڈ لائن جون 2021 ہے۔

source: Express News

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *