معروف اداکارہ نائلہ جعفری کیسنر کی جنگ ہار گئیں ۔۔

ڈھونڈوگے اگرملکوں ملکوں ملنے کے نہیں نایاب ہیں ہم ۔۔

معروف اداکارہ نائلہ جعفری طویل علالت کے بعد کراچی میں انتقال کرگئی،

صبحین عماد

اداکارہ  نائلہ جعفری ہفتے کی شام انتقال کرگئیں، وہ 2016 سے عرصے سے کینسر جیسی مہلک بیماری میں مبتلا تھیں، کچھ عرصہ قبل ان کا کیموتھراپی بھی ہوا جب کہ اس دوران وہ کئی مرتبہ اسپتال میں داخل بھی ہوئیں۔

 نائلہ جعفری نے پی ٹی وی پر ڈرامہ نویس اشفاق احمد کی ڈرامہ سیریز ’ایک محبت سو افسانے‘ کے کھیل ’چنگھاڑ‘ سے فنی کیرئیر کا آغاز کیا۔ ڈرامہ سیریل موسم، لمحہ لمحہ زندگی، کہانی ایک رات کی، اک کسک رہ گئی، تھوڑی سی خوشیاں اورعکس سمیت کئی ڈراموں میں کردارنگاری کی۔ 2011 میں ناپا کے اسٹیج ڈرامہ بیگم جان میں ان کی اداکاری کو کافی پذیرائی ملی

اداکاری کے علاوہ نائلہ جعفری فیشن ڈیزائنر اور بوتیک بھی چلارہی تھیں، حال ہی میں نائلہ جعفری کی ایک ویڈیو وائرل ہوئی تھی، جس میں انھوں نے فنون لطیفہ سے وابستہ افراد اورمخیر حضرات سے علاج معالجے کےلیے امداد کی اپیل کی تھی، صدر آر ٹس کونسل محمد احمد شاہ نے اداکارہ نائلہ جعفری کے انتقال پر اظہار افسوس کرتے ہوئے کہا کہ مجھ سمیت آرٹس کونسل کی گورننگ باڈی نائلہ جعفری کے انتقال پر گہرے دکھ میں ہیں، وہ پاکستانی ڈرامہ انڈسٹری کی زبردست اداکارہ تھیں، نائلہ جعفری کی نماز جنازہ آج بعد نماز عشا ڈیفنس فیز 2 میں ادا کی گئی بعد ازاں انہیں کالا پل کے قریب آرمی قبرستان میں سپردخاک کر دیا گیا۔

source: Express News
content: Sabheen Ammad