t1 808x454

!بلاک  مگر  پیار  سے، اب سافٹ  بلاک  کیجیے

31 views

کیا  آپ  کسی  فالوور سے  تنگ  ہیں لیکن اسے بلاک  نہیں  کر  سکتے ؟ پریشان  مت  ہوں  جناب اب اس  مسئلے  کا  حل بھی آ  گیا  ہے۔  اب  بلاک  نہیں بلکہ سافٹ  بلاک  کیجیے۔

تحریر: حرا  خالد

سوشل  میڈیا  پلیٹ  فارمز  کو  استعمال  کرتے  ہوئے  بعض  اوقات  ایسے  لوگوں  سے  بھی  واسطہ  پڑتا  ہے  جنھیں  نہ  ایڈ  کیا  جا  سکتا ہے  اور نہ ہی بلاک۔  تو  ایسے  دردِ  سر  کا  کیا  کریں ؟  وہ  کہتے  ہیں  نا  جہاں  شکر  سے  کام  چل  جائے  وہاں  مرچوں  کا  استعمال  کیوں  کریں ۔ تو  جناب  جب  سافٹ  بلاک  سے  کام  چل  جائے  تو  بلاک  کیوں  کریں؟

مائیکرو  بلاگنگ  ویب  سائٹ  ٹویٹر  نے  اپنے  صارفین  کے  لئے  نیا  فیچر  متعارف  کرایا  ہے  جس  کے  ذریعے  اب  فالوورز  کو  سافٹ  بلاک  کیا  جا  سکتا  ہے۔  اس  فیچر  کو  متعارف  کروانے  کا  بنیادی  مقصد  صارفین  کو  اپنے  ٹویٹر  اکاؤنٹ  پر  مزید  کنٹرول  دینا  اور  اس  بات  کا  تعین  کرنے  دینا  ہے  کہ  وہ  اپنے  فالوورز  لسٹ  میں  کس  کس  کو  رکھنا  چاہتے  ہیں۔

نئے  فیچر  کے  استعمال  کا  طریقہ  کچھ  یوں  ہو  گا  کہ  اپنی  پروفائل  میں  جا  کر  فالوورز  کی  لسٹ  نکالیے۔  سائڈ  پر  دیے  گئے  تین  ڈاٹ  آپشن  کو  کلک  کیجئے  اور  “ریموو  دس  فالوور”  کے  آپشن  کو  منتخب  کریں۔  منتخب  فالوور کو لسٹ سے ہٹائے جانے پر آگاہ بھی نہیں کیا جائے گا البتہ وہ دوبارہ اس صورت میں فالو کرسکے گا جب آپ نے اسے بلاک نہیں کیا ہوگا۔

سافٹ  بلاک  کرنے  کے  بعد آپکی  ٹویٹس  اس  فالوور  کی  ٹائم  لائن  پر  نظر  نہیں  آئیں  گی  البتہ  ڈائریکٹ  میسج  کا  آپشن  کھلا  رہے  گا۔

اس  فیچر  کو  ایک  ماہ  قبل  آزمائشی  بنیادوں  پر  پیش  کیا  گیا  تھا  اور  اب  اسے ویب  پر تمام  صارفین  کے  لئے  جاری  کر  دیا  گیا  ہے  یعنی  اسے  استعمال  کرنے  کے  لئے  آپکو  اپنا  اکاؤنٹ  لیپ  ٹاپ  یا  ڈیسک  ٹاپ  پر  کھولنا  پڑے  گا۔

اس  سے  پہلے  ٹویٹر  پر  صرف  بلاک  اور  ان  بلاک  کا  آپشن  ہی  موجود  تھا ۔  اب  سافٹ  بلاک  سے  اس  کی  شدت  کم  ہو  گئی  ہے۔ ریمو فالوور کا یہ فیچر آپ کے اور فالوور کے درمیان تھوڑا سا فاصلہ پیدا کردے گا تاہم آپ کا تعلق برقرا رہے گا تبھی  تو اسے سافٹ بلاک کا نام دیا گیا ہے  یعنی اب سانپ  بھی  مر  جائے گا اور  لاٹھی  بھی  نہیں  ٹوٹے  گی۔

اسکے  ساتھ  ٹویٹر  ایک  اور  فیچر  بھی  متعارف  کروانے  کا  ارادہ  رکھتا  ہے  جس  کے  ذریعے  کوئی  بھی  نامناسب  کمنٹ  خودکار  طریقے  سے  کچھ  وقت  کے  لئے  بلاک  ہو  جائے  گا۔  ایک بار ‘سیفٹی موڈ’ آن ہونے کے بعد ، ٹویٹر نامناسب زبان والے ٹویٹ کے مواد کو اسکین کرے گا اور صارف کا اکاؤنٹ عارضی طور پر سات دن کے لیے بند کر دیا جائے گا۔ اس  فیچر  کو  کب  تک  متعارف  کروا  دیا  جائے  گا  اس  بارے  میں  کوئی  حتمی  بات  نہیں  کی  جا  سکتی۔

یہ  بھی  پڑھیے:  کیا انسٹاگرام ڈاؤن ہے، پتہ کیسے چلے گا؟

واضح  رہے  کہ  ٹویٹر 206  ملین  صارفین  کے  ساتھ سماجی  رابطے  کی  مقبول  ویب  سائٹ  ہے  اور  یہ  اپنے  صارفین  کی  پرائیویسی کا خیال  رکھنے  اور  پلیٹ  فارم  کے  غلط  استعمال کو  کنٹرول  کرنے  کے  لئے  خاطر  خواہ  اقدامات  کر  رہا ہے۔

Source: Twitter

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *