batter2 808x454

بیٹسمین نہیں بیٹر کہیے، مگر کیوں ؟ جانیے اسکی دلچسپ وجہ

40 views

ٹی  20  کرکٹ  ورلڈکپ  میں  بیٹسمین  کو  بیٹر  کہہ  کر  مخاطب  کیا  جائے  گا۔  مگر  یہ  فیصلہ  کیوں  لیا  گیا  ہے  اسکے  پیچھے  ایک  مزے  دار  وجہ  ہے۔

تحریر  :  حرا  خالد

فرض  کیجئے  کہ  آپ  کرکٹ  کمنٹری  سن  رہے  ہیں  اور  کمنٹری  باکس  سے  اعلان ہوتا ہے کہ اب  آتے  ہیں  اگلے  پاکستانی  بیٹسمین  شاہد  آفریدی۔  یہ  جملہ  تو  سننے  میں  بالکل  ٹھیک  معلوم  ہو  رہا  ہے  لیکن  اگر  کمنٹری  باکس  سے  اعلان  ہو اب  آتی  ہیں  پاکستان  کی  اگلی  “بیٹسمین”  ثناء  میر۔ ایک  لمحے  کو  دماغ  میں  یہ  الجھن  ضرور  پیدا  ہو  گی  کی  خاتون  بیٹسمین  کیسے  ہو  گئی۔ جی  جناب  اسی  الجھن  کو  سلجھانے  کے  لئے  اب  بیٹسمین  کی  جگہ  بیٹر  کا  لفظ  متعارف  کروایا  گیا  ہے۔

غیر  ملکی  خبر  رساں  ایجنسی کے مطابق آئی سی سی نے اپنے بیان میں برسوں سے استعمال  ہونے  والی  یہ اصطلاح تبدیل کرنے کا اعلان کیا ہے۔  اس  اعلان پر عمل درآمد اسی  سال  ٹی 20 ورلڈکپ  سے  شروع  ہو  جائے  گا۔

ستمبر میں میریلبون کرکٹ کلب (ایم سی سی) نے  بیٹسمین  لفظ  کو  بیٹر  کے  ساتھ  تبدیل  کرنے  کا  اعلان  کیا  تھا  اور  اب  آئی  سی  سی  نے  اس  لفظ  کو  باقاعدہ اپنے  ٹورنامنٹس  میں  استعمال  کرنے  کا  اعلان  کر  دیا  ہے۔ اس تبدیلی کا کھیل کے اندرونی حلقوں کی اکثریت نے خیرمقدم بھی  کیا ہے۔

آئی سی سی کے قائم مقام سربراہ جیف الارڈیس کا  اس  حوالے  سے کہنا ہے  کہ  ہم ایم سی سی کے فیصلے کا خیرمقدم کرتے ہیں کہ اس کو باقاعدہ کرکٹ کے قوانین میں نافذ کیا جائے اور ہم اس کو اپنے ٹورنامنٹس میں قانون کے طور پر استعمال کریں گے۔

انہوں  نے  مزید  کہا  کہ  یہ  ہمارے کھیل میں قدرتی جدت ہے اور اب ہمارے بیٹرز صنفی امتیاز سے آزاد ہیں اسی طرح جیسے باؤلرز، فیلڈرز اور وکٹ کیپرز ہیں۔  گو کہ  یہ  ایک  چھوٹی  سی  تبدیلی  ہے  لیکن  یہ  کرکٹ  پر  بنیادی  اثر  ڈالے  گی۔  کیوں  نہ  ہم  ایسا  قدم  اٹھائیں  جس  سے  دنیا  کی  پچاس  فیصد  آبادی  خود  کو  اس  کھیل  سے  باہر  نہ  سجھے۔

یہ  بھی  پڑھیں:  ٹی20 ورلڈکپ ، روایتی حریفوں کے ٹاکرے کب ہوں گے؟ (rava.pk)

یہ  تبدیلی  اس  لئے  بھی  وقت  کی  اہم  ضرورت  تھی  کہ  خواتین  میں  کرکٹ  کا  کھیل  مقبولیت  اختیار  کرتا  جا  رہا  ہے  اور  اب  ملکی  سطح  پر  بھی  خواتین  کرکٹ  ٹیموں  کو  پذیرائی  ملنا  شروع  ہو  گئی  ہے۔  سن 2020 کے ورلڈ ٹی ٹوئنٹی کے فائنل میں آسٹریلیا اور بھارت کے درمیان میچ دیکھنے کے لیے میلبرن کرکٹ گراؤنڈ میں 80 ہزار سے زائد تماشائی موجود تھے، جو خواتین میں کرکٹ کی مقبولیت میں اضافے کی علامت ہے۔

Source: ICC

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *