9 1 3 808x454

آخر رضوان کو یہ تکیہ اتنا عزیز کیوں ہے؟

November 15, 2021 0
140 views

ٹی ٹوئنٹی  ورلڈکپ  میں  محمد رضوان  کی  شاندار  کاکردگی  نے  انہیں  اسٹار  بیٹر  بنا  دیا  ہے  اور  اب  تو  یوں  لگنے  لگا  ہے  کہ  پوری  ٹیم  ہی  رضوان  اور  بابر  کی  اوپننگ  پر  تکیہ  کرکے  بیٹھی  ہوتی  ہے  لیکن  جس  رضوان  کی  بیٹنگ  پر  ٹیم  کو  تکیہ  ہے  انکا  اپنا  تکیہ  خاصا  مشہور  ہو  رہا  ہے۔  آخر  رضوان  کے  اس  تکیے  میں  ایسا  کیا  ہے  کہ  یہ  ہر  جگہ  انکے  ساتھ  ساتھ  نظر  آتا  ہے؟؟؟

حرا  خالد

پاکستان کرکٹ بورڈ (پی سی بی) نے قومی کرکٹ ٹیم کی دبئی سے  ڈھاکہ روانگی کی ویڈیو جاری کی ۔ ویڈیو  میں  دیکھا  جا  سکتا  ہے  کہ  محمد رضوان بمع  ٹیم  کے ہوٹل  کی  لابی  سے  برآمد  ہوتے  ہیں  ، سب  کھلاڑی  اپنے  اپنے  بیگز  پہنے  بنگلہ  دیش  روانگی  کے  لئے  تیار  نظر  آتے  ہیں  لیکن  رضوان اپنے  بیگ  کے  ساتھ  بغل  میں  تکیہ  دبائے  دکھائی  دیتے  ہیں  ،  قصہ  یہیں  ختم  نہیں  ہوتا  بلکہ  ائیرپورٹ  پر  بھی  رضوان  اس  تکیے  کو  سینے  سے  لگائے  نظر  آتے  ہیں  اور  بنگلہ  دیش  لینڈ  کرنے  کے  بعد  بھی  اپنے  تکیے  کو  سنبھالے  چلتے  ہیں۔ اب  یہ  تجسس  تو  ہونا  لازمی  ہے کہ  آخر  اس  تکیے  میں  ایسا  کیا  خاص  ہے  کہ  رضوان  اسے  ملکوں  ملکوں  لے  کر  گھوم  رہے  ہیں؟؟؟

Image

پاکستانی ٹیم کے میڈیا منیجر ابراہیم بدیس کے مطابق محمد رضوان ماضی میں بھی مختلف ممالک کے دوروں کے موقع پر بھی تکیہ ساتھ لیکر گئے ہیں۔انہوں نے بتایا کہ ویسٹ انڈیز، جنوبی افریقا اور انگلینڈ کے دورے پر بھی رضوان  اپنا تکیہ  ساتھ لے کر گئے  تھے۔حکام کا کہنا ہے کہ محمد رضوان کسی دوسرے تکیے کے ساتھ نہیں سو سکتے، اپنے تکیے میں آرام دہ محسوس کرتے ہیں۔

اس کے علاوہ ایک اور ویڈیو  بھی  سوشل  میڈیا  پر وائرل ہورہی ہے جس میں ایک کرکٹ شائق ان سے تکیے سے متعلق سوال کرتا ہے جس پر رضوان نے ہنستے ہوئے جواب دیتے  ہیں  کہ تکیہ ضروری ہے بھیا، حالات مشکل ہیں تھوڑے سے۔

خیال رہے کہ اس سے قبل محمد رضوان دورہ ویسٹ انڈیز میں بھی تکیے کے ساتھ تصاویر  سامنے  آئی  تھیں۔

وکٹ کیپر بیٹر محمد رضوان کا تکیہ سوشل میڈیا پر موضوع بحث بن گیا  اور  صارفین  اس  حوالے  سے  دلچسپ  تبصرے  کرتے  نظر  آئے۔

ایک  صارف  نے  لکھا  کہ  ہم  سب  کو  بھی  زندگی  میں  ایسے  شخص  کہ  ضرورت  ہوتی  ہے  جو  ہمیں  ایسے  چاہے  جیسے  رضوان  اپنے  تکیے  کو  چاہتے  ہیں۔

ایک  اور  صارف  نے  لکھا  رضوان  اور  انکا  تکیہ  ،  ایک  خوبصورت  کہانی  ۔۔۔۔

نور  عباس  نے  کہا  کہ  رضو  نے  تکیے  کو  ایسے  ساتھ  لگایا  ہوا  ہے  جیسے  چھوٹا  بچہ  اپنا  کھلونا  سنبھالتا  ہے۔

ایک  ٹویٹ  میں  کہا  گیا  کہ  رضوان  کو  اپنے  تکیے  پر  بہت  تکیہ  ہے۔

ایک  صارف  نے  لکھا  کہ  ہر  چیز  وقتی  ہے  لیکن  رضوان  اور  انکا  تکیہ  پرمننٹ  ہے۔

یاد  رہے  پاکستان اور بنگلادیش کے درمیان پہلا ٹی ٹوئنٹی میچ 19 نومبر کو کھیلا جائے گا ، کپتان بابراعظم اور شعیب ملک 16 نومبر کو ڈھاکا میں اسکواڈ کو جوائن کریں گے،بنگلادیش کے خلاف سیریز میں تین ٹی ٹوئنٹی اور ٹیسٹ میچز شامل ہیں۔

Dislike 0
cricket198 Dhaka1 Muhammad Rizwan8 paksitan10 PCB115 Pillow1
مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *