چیمپئنز ٹرافی : میزبانی بھی کریں گے اور ٹرافی بھی گھر لائیں گے

پاکستانی  کرکٹ  شائقین  کے  لئے یہ  بات  کسی  خوش  خبری  سے  کم  نہیں  ہے کہ  پاکستان  سال  2025میں  آئی  سی  سی  چیمپئنز  ٹرافی  کی  میزبانی  کرے  گا  اور  ایونٹ  کے  تمام  میچ  پاکستان  میں  کھیلے  جائیں  گے۔ 

حرا  خالد

انٹرنیشنل کرکٹ کونسل (آئی سی سی)نے 2024سے 2031  تک بڑے ایونٹس کے میزبان ممالک کا اعلان کردیا  ہے۔اعلامیے میں کہا گیا ہے کہ پاکستان میں چمپیئنز ٹرافی فروری 2025میں ہوگی، یہ ٹورنامنٹ پاکستان میں 1996کے بعد آئی سی سی کا بڑا ایونٹ ہوگا۔ پاکستان کرکٹ بورڈ کی جانب سے شیئر کی گئی اپ ڈیٹ میں  بھی  اس  بات کی  تصدیق  کی  گئی  ہے  کہ پاکستان کو چیمپئنز ٹرافی کی میزبانی مل گئی ہے۔

چیئرمین  کرکٹ  بورڈ  رمیز  راجہ نے  کیا  کہا؟

پاکستان کرکٹ بورڈ کے چیئرمین رمیز راجہ نے چیمپئنز ٹرافی کی میزبانی پاکستان کو ملنے پر سماجی رابطے کی ویب سائٹ ٹوئٹر پر پیغام جاری کرتے ہوئے کہا کہ یہ بڑے فخر اور خوشی کی بات ہے کہ پاکستان آئی سی سی چیمپئنز ٹرافی 2025 کی میزبانی کرے گا۔ یہ عظیم خبر یقیناً لاکھوں پاکستانی شائقین، غیر ملکیوں اور عالمی شائقین کو عظیم ٹیموں اور کھلاڑیوں کو ایکشن میں دیکھنے کے لیے پرجوش کرے گی اور دنیا کو ہماری مہمان نوازی کا نمونہ پیش کرنے کا موقع ملے گا۔

It’s a matter of great pride and delight that Pakistan will be hosting ICC Champions Trophy 2025. This great news will surely excite millions of Pakistani fans, expats and world fans to see great teams and players in action and will allow the world to sample our hospitality.

— Ramiz Raja (@iramizraja) November 16, 2021

انہوں نے کہا کہ چیمپئنز ٹرافی کی میزبانی کیلئے بہت کام کرنا ہے، پچز  بہتر کرنی ہیں، گراؤنڈز بہتر کرنے ہیں، میرے آنے یا جانے سے فرق نہیں پڑنا چاہیے، یہ بڑا ایونٹ ہے، بطور بورڈ کام کرنا ہوتا ہے۔

رمیز  راجہ  کا  مزید کہنا تھا کہ چیمپئنز ٹرافی میں اب کسی کی دستبرداری کا خدشہ نہیں ہے، آئی سی سی میں اس پر کافی بحث ہوئی اور  پھر ایونٹ کی میزبانی کا فیصلہ ہوا۔

پاکستان  نے  ماضی  میں  کن  میگا  ایونٹس  کی  میزبانی  کی:

پاکستان نے اب تک محض دو آئی سی سی ایونٹس کی میزبانی کی ہے  اور  ان  مین  بھی  پاکستان  انفرادی  نہیں  بلکہ  مشترکہ  میزبان  تھا۔ پاکستان نے پہلی بار 1987 میں آئی سی سی مینز ورلڈکپ کی میزبانی کی تھی جس میں بھارت فتح  یاب ہوا تھا جبکہ 1996 میں پاکستان نے آخری بار کسی آئی سی سی ایونٹ کی میزبانی کی تھی جس میں بھارت اور سری لنکا  بھی  پاکتسن  کے  ساتھ مشترکہ میزبان تھے۔ اس ایونٹ کا فائنل لاہور کے قذافی اسٹیڈیم میں کھیلا گیا تھا جس میں سری لنکا نے ٹرافی اپنے نام کی تھی۔

سن  2008 میں پاکستان کو چیمپئینز ٹرافی کی میزبانی دی گئی تھی   تاہم سیکورٹی وجوہات کی بنا پر  ایونٹ جنوبی افریقہ منتقل کردیا گیا تھا۔

چیمپئنز  ٹرافی  کے  میچز  کن  شہروں  میں  ہوں  گے؟

پاکستان  کرکٹ  بورڈ  کے  چیئرمین  رمیز  راجہ  کے  مطابق  چیمپئنز  ٹرافی  ٹورنامنٹ میں 8 ٹیموں کے مابین کُل 15 میچز کھیلے جائیں گے۔ یہ میچز تین مختلف مقامات پر کھیلے جائیں گے۔

ذرائع  کے  مطابق  چیمپئنز ٹرافی کے میچز کراچی، لاہور اور راولپنڈی میں ہوں البتہ راولپنڈی میں میچز کے انعقاد کا حتمی فیصلہ موسم کی صورتحال دیکھ کر کیے جانے کا امکان ہے۔

پاکستان  صرف  میزبان  نہیں  بلکہ  دفاعی  چیمپئن  بھی  ہے:

جی  ہان  پاکستان  سن  2025مین  ہونے  والی  چیمپئنز  ٹرافی  کی  صرف  میزبانی  نہیں  کرے  گا  بلکہ  پاکستان  اس  ٹرافی  کا  دفاعی  چیمپئن  بھی  ہے۔  آخری  بار  چیمپئنز  ترافی  کا  انعقاد  سن 2017میں  ہوا  تھا  اور  قومی  تیم  نے  سرفراز  احمد  کی  قیادت  میں  چیمپئنز  ٹرافی  جیتی  تھی۔

We will defend this at home!#WeHaveWeWill pic.twitter.com/QRrzOdq8ZI

— Pakistan Cricket (@TheRealPCB) November 16, 2021

آئی  سی  سی  کے  دیگر  میگا  ایونٹس  کب  اور  کہاں  ہوں  گے؟

سن  2024کا  ٹی ٹوئنٹی ورلڈ کپ امریکا  اور  ویسٹ انڈیز میں ہوگا۔ 2026 ٹی ٹوئنٹی ورلڈ کپ کی میزبانی بھارت اور سری لنکا کریں گے۔ 2027 میں جنوبی افریقا، زمبابوے، نمیبیا ون ڈے ورلڈ کپ کی مشترکہ  میزبان  ہوں  گے۔

سن  2028کا  ٹی ٹوئنٹی ورلڈ کپ آسٹریلیا اور نیوزی لینڈ میں ہوگا جبکہ بھارت 2029 کی چیمپئنز ٹرافی کی میزبانی بھی کرے گا۔انگلینڈ، آئرلینڈ اور اسکاٹ لینڈ 2030 ٹی ٹوئنٹی ورلڈ کپ کے مشترکہ میزبان ہوں گے جبکہ 2031 ون ڈے ورلڈ کپ کی مشترکہ میزبانی بھارت اور بنگلا دیش کریں گے۔

پاکستان  میں  انٹرنیشنل  کرکٹ کی  بحالی  :

سری  لنکم  ٹیم  پر  حملے  کے  بعد  پاکستان  میں انٹرنیشنل  کرکٹ  ختم  ہوئے  ایک  دہائی  سے  بھی  زیادہ  عرصہ  گرز  چکا  ہے۔ پی  ایس  ایل  کے  ذریعے  انٹرنیشنل  کھلاڑیوں  نے  تو  پاکستان  کا  رخ  کیا  ہے  تاہم  کوئی  بڑی  ٹیم  قومی  سطح  پر  کھیلنے  پاکستان  نہیں  آئی  ہے۔ رواں سال 18 ستمبر کو نیوزی لینڈ کی ٹیم دورہ پاکستان کو منسوخ کرکے چلی گئی تھی۔ اس کے بعد انگلینڈ کرکٹ ٹیم نے بھی اپنا دورہ پاکستان ملتوی کرنے کا اعلان کردیا تھا۔

رواں  ماہ آسٹریلیا اور انگلینڈ کرکڑ  بورڈز  نے تصدیق کی ہے کہ ان کی کرکٹ ٹیمیں 2022 میں پاکستان کا دورہ کریں گے  جس  کے  بعد  پاکستان  میں  انٹرنیشنل  کرکٹ  کی  مکمل  بحالی  کے  امکانات  روشن  نظر  آنے  لگے  ہیں۔

Congratulations! 🇵🇰 pic.twitter.com/xxTZa1Hggj

— Pakistan Cricket (@TheRealPCB) November 16, 2021

پاکستانی  شائقین  کرکٹ  کا  ردِعمل:

چیمپئنز  ٹرافی  کا  انعقاد  پاکستان  میں  ہونے  کی  خبر  سن  کر  پاکستانی  شائقین  کرکٹ  بھی  انتہائی  خوش  ہیں اور  آئی  سی  سی  کے  اس  فیصلے  کا  خیر  مقدم  کر  رہے  ہیں۔  سوشل  میڈیا  پر  چیمپئنز  ٹرافی  ٹاپ  ٹریند  بنا  ہوا  ہے  اور  کرکٹ  شائقین  ابھی  سے  اس  ایونٹ  کی  میزبانی  اور  بین  الاقوامی  ٹیموں  کو  پاکستانی  سرزمین  پر  کھیلتا  دیکھنے  کے  لئے  پر  جوش  ہیں۔