شاہنواز دھانی کل پوری رات کیوں نہ سو سکے؟ معصومیت سے سب بتا دیا

قومی  ٹیم  آج  بنگلہ  دیش  کے  خلاف  اپنا  تیسرا  ٹی  ٹوئنٹی  میچ  کھیل  رہی  ہے۔  آج  کے  میچ  کی  خاص  بات  یہ  ہے  کہ  اس  میں  کئی  نئے  کھلاڑیوں  کو  موقع  دیا  جا  رہا  ہے  جن  میں  عثمان قادر، افتخار احمد اور شاہنواز دھانی  شامل  ہیں۔

حرا  خالد

شاہنواز  دھانی  کا  یہ  ڈیبیو  میچ  ہیں ۔  پہلے  ٹی  ٹوئنٹی  کے  لئے   انہیں  سابق  کپتان  سرفراز  احمد  نے  ڈیبیو  کیپ  دی ۔ پاکستان کرکٹ بورڈ کی جانب سے شاہنواز دھانی کو ڈیبیو کیپ ملنے کی ویڈیو سوشل میڈیا پر بھی شیئر کی گئی ہے۔

ویڈیو میں دیکھا جا سکتا ہے کہ دھانی کو انٹرنیشنل کیپ ملنے سے قبل تمام کھلاڑیوں نے انہیں تالیاں بجا کر مبارکباد پیش کی۔پی سی بی کے مطابق فاسٹ بولر شاہنواز دھانی پاکستان کی جانب سے ٹی ٹوئنٹی انٹرنیشنل کھیلنے والے 95 ویں کھلاڑی ہیں۔

🧢 @ShahnawazDahani received his T20I debut cap from @SarfarazA_54.#HarHaalMainCricket | #BANvPAK pic.twitter.com/zYNQ6dGCM9

— Pakistan Cricket (@TheRealPCB) November 22, 2021

شاہنواز دھانی صوبہ سندھ کے شہر لاڑکانہ کے قریب واقع ایک گاؤں کھو آوڑ خان دھانی سے تعلق رکھتے ہیں اور انہوں نے بڑی محنت سے کرکٹ کی دنیا میں اپنا مقام بنایا ہے۔

شاہنواز  دھانی  آج  کے  میچ  کے  لئے  کتنا  پرجوش  تھے  اسکا  اندازہ  انکی  ویڈیو  اور  ٹویٹس  کے  ذریعے  بخوبی  ہو  رہا  ہے۔

سماجی  رابطے  کی  ویب  سائٹ  ٹویٹر  پر  پاکستانی  ٹیم  کی سبز جرسی  پہنے  دھانی  نے  اپنی  تصویر  کے  ساتھ  ٹویٹ  کیا۔  ٹویٹ  میں شاہنواز دھانی نے لکھا کہ الحمداللہ آج میں ملک کے لیے کھیلنے جا  رہا  ہوں  اور  میں پاکستان کے لیے کھیلنے پر انتہائی خوش اور پرجوش ہوں ۔یہ  سب  میری  والدہ  کی  دعاؤں  کا  نتیجہ  ہے۔

شکریہ  ان  سب  لوگوں  کا  جنھوں  نے  مجھے  پیار  دیا  اور  اس  سفر  میں  میرا  ساتھ  دیا۔  مجھے  یہ  دعا  دیجیے  کہ  میں  اپنی  وطن  کے  لئے  کچھ  قابلِ  فخر  کر  سکوں۔

Alhamdulillah,I am going to represent my country today. I am extremely happy and excited to play in green. All this happened due to prayers of my mother. Thank you everyone for loving me and supporting me, and Pray that I make my country proud.❤️🇵🇰. pic.twitter.com/S6DkgDZpoX

— Shahnawaz Dahani (@ShahnawazDahani) November 22, 2021

میچ  سے  قبل  شاہنواز  دھانی  کی  اپنی  والدہ  کے  ساتھ  ویڈیو  کال  پر  بات  کرتے  ہوئے  ویڈیو  بھی  منظر  عام  پر  آئی  ہے  جس  میں  انکی  والدہ  انہیں  دعائیں  دیتی  نظر  آ  رہی  ہیں  اور  دھانی  بہت  معصومیت  سے  آمین  آمین  کہہ  رہے  ہیں۔

ڈیبیو  سے  قبل  ویڈیو  پیغام  میں  شاہنواز  دھانی  کا  کہنا  تھا  کہ  آج میرا ڈیبیو میچ ہے  اور میں بہت پُرجوش ہوں،  اس  وقت  میرے  جو  احساسات  ہیں  وہ  بیان  سے  باہر  ہیں۔ مجھے پوری رات  ایکسائٹمنٹ  سے نیند نہیں آئی ہے، میں نے والدہ سے بات کی ہے، وہ بہت خوش تھیں، انہوں نے ڈھیر ساری دعائیں دیں۔

Update: @ShahnawazDahani to make his T20I debut today against Bangladesh.
He becomes Pakistan T20I player No.95.#HarHaalMainCricket | #BackTheBoysInGreen | #BANvPAK pic.twitter.com/X6FzHnTBKC

— Pakistan Cricket (@TheRealPCB) November 22, 2021

شاہنواز دھانی نے کہا کہ  اپنے ملک کے لیے کھیلنے کے لیے ہر کھلاڑی انتظار کرتا ہے، مجھے آج کے دن کا انتظار تھا اور آج میرا خواب پورا ہونے جا رہا ہے۔

اُنہوں نے اپنی خواہش کا تذکرہ کرتے ہوئے کہا کہ میری خواہش تھی کہ میں اپنے گھر والوں کے سامنے ڈیبیو کرتا،  وہ  میرے  ساتھ  ہوتے  ،  میرے  سندھ  کے  لوگ  میرے  ساتھ  ہوتے  لیکن  بدقسمتی  سے بنگلا دیش میں ہونے کی وجہ سے یہ  ممکن نہیں ہو سکا۔

دھانی نے یہ بھی کہا کہ میں نے ہر سطح پر محنت کی ہے،  ہمت  نہیں  ہاری  اور  اللہ  پاک  نے  میری  بھرپور  مدد  کی۔ لاڑکانہ کا پہلا قومی  کھلاڑی بننے جا رہا ہوں،  میرے لیے اور لاڑکانہ کے لیے قابلِ فخر بات ہے۔  لاڑکانہ  کے  لوگوں  نے  جس  طرح  مجھے  سپورٹ  کیا  اس  پر  میں  ان  سب  کا  بہت  شکر  گزار  ہوں۔

اُنہوں نے مزید کہا کہ  کیریئر  کا  پہلا    میچ  بہت  اہم  ہوتا  ہے،   میں ڈیبیو میچ میں  اچھا  پرفارم  کرنا  چاہتا  ہوں  اور مین آف دی میچ بننا چاہتا ہوں۔

واضح رہے کہ انٹرنیشنل ٹی ٹوئنٹی میں ڈیبیو کرنے والے فاسٹ بولر شاہنواز دھانی نے اپنے پہلے ہی اوور کی تیسری بال پر وکٹ لے کر ٹی ٹوئنٹی انٹر نیشنل میں اپنی وکٹوں کا کھاتہ کھولا  ہے۔

بنگلادیش نے تیسرے ٹی ٹوئنٹی میں پاکستان کو جیت کیلئے 125 رنز کا ہدف دیا  ہے۔  بولر عثمان قادر اور محمد وسیم نے 2،2 کھلاڑیوں کو آؤٹ کیا جب کہ حارث رؤف اور شاہنواز دھانی نے 1،1 کھلاڑی کو آؤٹ کیا۔

یاد  رہے  کہ  پاکستان  کو  سیریز  میں  پہلے  ہی  دو  میچز  جیت  کر فیصلہ  کن برتری  حاصل  ہے۔