5 23 808x454

حلال گوشت پر پابندی لگانے والوں کو اب خود بھی حلال کھانا پڑے گا،انڈین ٹیم پر پابندی

174 views

انڈین  ٹیم  کی  ورلڈکپ  میں  خراب  کارکردگی  کا  نتیجہ  بھارتی  کرکٹ  بورڈ  نے  کچھ  یہ  نکالا  ہے  کہ  کھلاڑی  حرام  کھانے  کھا  کھا  کر سست  پڑ  چکے  ہیں  اور  اب  انڈین  کھلاڑیوں  کو  صرف  حلال  کھانا  کھانے کی  اجازت ہو  گی۔

حرا  خالد

کام  کے  نہ  کاج  کے  ،  دشمن  اناج  کے  ۔۔۔  کچھ  یہی  خیال  ہے  بھارتی  کرکٹ  بورڈ  کا  اپنے  کھلاڑیوں  کے  بارے  میں  جبھی کھلاڑیوں کیلئے ایک ڈائٹ پلان تیار کیا گیا ہے جس میں کھلاڑیوں کو صحت مند اور فٹ رکھنے کیلئےسور اور بیف کھانے پر پابندی عائد کر  دی گئی ہے۔

بھارتی  میڈیا  کی  رپورٹ کے  مطابق اگر کوئی کھلاڑی گوشت کھانا چاہتا ہے تو اسے صرف سرٹیفائیڈ حلال گوشت کھانے کی ہی اجازت ہے۔

بھارتی کرکٹ بورڈ نے ٹیم کے مینو کے لیے اہم ہدایات جاری کرتے ہوئے  سختی  سے  یہ  ہدایت  کی  ہے کہ ٹیم کو کھانے میں صرف حلال گوشت دیا جائے  گا۔

میڈیا رپورٹس میں دعویٰ کیا گیا ہے کہ انتظامیہ کھلاڑیوں کی فٹنس پر کوئی سمجھوتہ نہیں چاہتی جس کے باعث نیا ڈائٹ پلان تیار کرتے ہوئے کھلاڑیوں کے کھانوں پر پابندی عائد کی گئی ہے۔

دوسری  جانب  بھارتی  کرکٹ  بورڈ  کے  اس  اقدام  پر  بھارت  میں  کڑی  تنقید  کی  جا  رہی  ہے  اور  سوشل  میڈیا  پر  بھی  اس  فیصلے  کو  تنقید  کا  نشانہ  بنایا  جا  رہا  ہے۔  صرف  یہی  نہیں  بلکہ  ہندو  انتہا  پسندوں  نے  اس  فیصلے  کی  آڑ  میں  ایک  بار  پھر  مسلمانوں  کو  نشانے  پر  لے  لیا  ہے  اور  انکے  خلاف  نفرت  انگیز  مواد  پھیلایا  جا  رہا  ہے۔

بھارتی  ٹویٹر  پر  ”بی  سی  سی  آئی  پروموٹس  حلال”  ٹاپ  ٹرینڈ  بنا  ہوا  ہے  اور  انڈین  عوام  یہ  کہتے  نظر  آ  رہے  ہیں  کہ  ٹیم  پر  حلال  کھانے  کی  پابندی  لگانا  ایک  غلط  فیصلہ  ہے  اور  انکی شخصی آزادی  کے  خلاف  ہے۔

بی  جے  پی  کے  وزیر  سدھارتھ  شرولی  نے  ٹویٹ  کرتے  ہوئے  لکھا  کہ  غیر  مسلم  کھلاڑیوں  کو  زبردستی  حلال  کھلانا  قابل  مذمت  ہے  اور  یہ  ہمارے  سیکیولر  چہرے  پر  ایک  دھبہ  ہے۔  غیر مسلم کرکٹ کھلاڑیوں کو صرف حلال کھانے پر کیوں مجبور کیا جا رہا ہے؟

انڈین  صحافی  راہول  شیواشنکر نے  کہا  کہ  بی  سی  سی  آئی  کہ  ایک  اور  گوگلی، اس بار ہدایت کی گئی ہے کہ کھلاڑیوں کو صرف حلال گوشت پیش کیا جائے گا۔ بی سی سی آئی کو  آخر  پس  پردہ  کون  چلا  رہا  ہے؟

گاروو  گوئل  نے  کہا  کہ  بی  سی  سی  آئی  کو  یہ  یاد  رکھنا  چاہے  کہ  وہ  پاکستان  کا  نہیں  بلکہ  ہندوستان  کا  بورڈ  ہے۔

ایک  اور  صارف  نے  لکھا  کہ  بی  سی  سی  آئی  کو  ایک  اور  فیصلہ  بھی  دینا  چاہیے  کہ  اگر  کسی  کھلاڑی  کو  حلال  گوشت  کھانے  سے  مسئلہ  ہے  تو  وہ  مسلمان  ہو  جائے۔

کرن  ارادھیا  نے  تو  بی  سی  سی  آئی  سے  یہ  ہی  پوچھ  لیا  کہ  یہ  ڈائٹ  پلان  کسی  دائٹیشن  سے  بنوایا  گیا  ہے  یا  ملا  سے؟

یاد  رہے  کہ  انڈین  ٹیم  نے  ورلڈکپ  میں  تاریخ  کی  بدترین  کارکردگی  کا  مظاہرہ  کیا  تھا  اور  ٹیم  ابتدائی  مرحلے  میں  ہی  ایونٹ  سے  آؤٹ  ہو  گئی  تھی۔ بھارتی ٹیم کیلئے2007 کے بعد یہ پہلا موقع ہے جہاں وہ ٹی ٹوئنٹی ورلڈکپ کے سیمی فائنل تک رسائی سے محروم رہی  ہے۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *