4 27 808x454

ٹی 20 ورلڈ کپ کا پاک بھارت ٹاکرا، تاریخ کے سارے ریکارڈ ٹوٹ گئے

91 views

پاک بھارت کے میچ کی بات ہو اور سنسنی نہ پھیلے جوش اور جذبے کی آخری حد نہ ہو ایسا ممکن ہی نہیں یہی وجہ ہے کہ اس سال ٹی20 ورلڈ کپ میں پاک بھارت میچ نے سب کو ہی پیچھے چھوڑ دیا

صبحین عماد

انٹرنیشنل کرکٹ کونسل (آئی سی سی) کا کہنا ہے کہ ٹی20 ورلڈ کپ نے دیکھنے والوں میں بھرپور مقبولیت حاصل کی جس نے ویورشپ کے تمام ریکارڈ توڑ دیے ہیں۔

جمعرات کو جاری کردہ ڈیٹا میں آئی سی سی نے ٹی20 ورلڈ کپ کی لائیو نشریات سمیت دیگر تفصیل شیئر کی ہے۔

آئی سی سی کے مطابق ماضی میں کسی بھی موقع سے زیادہ اس مرتبہ ٹی20 ورلڈ کپ میں 10ہزار گھنٹوں کی لائیو کوریج کی گئی جو ٹیلی ویژن اور ڈیجیٹل پلیٹ فارمز کے ذریعے 200 ملکوں میں پیش کی گئی۔

ICC Reveals T20 World Cup Viewership Numbers, India vs Pakistan Super 12  Match The Most Viewed T20I In History

پاکستان، برطانیہ، آسٹریلیا، انڈیا اور امریکہ میں سب سے زیادہ ویور شپ رہی۔

ٹی20 ورلڈ کپ 2021 کا انعقاد پانچ برس بعد کیا گیا تھا۔ دنیائے کرکٹ کے بڑے کھلاڑیوں اور اہم ٹیموں کو شائقین کے سامنے لانے کا ذریعہ بنانے والا ٹورنامنٹ متحدہ عرب امارات اور عمان میں منعقد کیا گیا تھا۔

آئی سی سی کے مطابق ورلڈ کپ کی ویورشپ نے متعدد خطوں میں ناظرین کی دلچسپی کے ریکارڈ توڑے ہیں۔ ٹیلی ویژن پر 16 کروڑ 70 لاکھ کی ریچ کے ساتھ پاکستان اور انڈیا کے میچ میں سٹار انڈیا نیٹ ورک پر 15.9 ارب منٹ دیکھا گیا۔

India vs Pakistan Cricket Score T20 World Cup 2021 Highlights: Pakistan End  Jinx With Emphatic 10-Wicket Win Over India | Cricket News

پاکستان اور انڈیا کا میچ اب تک کی کرکٹ تاریخ میں ویورز کے لحاظ سے سب سے زیادہ دیکھا گیا میچ بنا ہے جس نے اس سے قبل ویسٹ انڈیز اور انڈیا کے درمیان 2016 ٹی20 ورلڈ کپ کے سیمی فائنل کا ریکارڈ توڑا ہے۔

انڈین ٹیم ٹورنامنٹ سے جلد خارج ہو گئی تھی اس کے باوجود انڈیا میں پورے ٹورنامنٹ کو 112 ارب منٹ دیکھا گیا۔

India And Pakistan's Rare Cricket Contest Will Reel In A Massive Global  Television Audience

پاکستان میں پہلی مرتبہ تین مختلف ٹی وی چینلز نے ورلڈ کپ دکھایا جس نے 2016 ورلڈ کپ کے مقابلے میں ویورشپ میں سات اعشاریہ تین فیصد کا اضافہ کیا۔

برطانیہ میں پاکستان اور انڈیا کے میچ کی ویورشپ سکائی یوکے پر 60 فیصد بڑھی ہے جب کہ مجموعی طور پر ناظرین میں سات فیصد کا اضافہ ہوا ہے۔

آسٹریلیا میں فاکس نیٹ ورک پر ویورشپ میں 175 فیصد کا اضافہ ہوا جب کہ آئی سی سی کی جانب سے فوکسڈ مارکیٹ کے طور پر اعلان کردہ امریکہ میں ای ایس پی این پر یہ اب تک کا سب سے زیادہ دیکھا جانے والا ٹورنامنٹ رہا ہے۔

فیس بک کے ساتھ آئی سی سی کی پارٹنرشپ نے وڈیو ویوز میں خاطرخواہ اضافہ کیا ہے۔ ٹورنامنٹ کے دوران فیس بک پر چار ارب 30 کروڑ ویوز ہوئے جو اس سے قبل آئی سی سی ورلڈ کپ 2019 کے تین ارب 60 کروڑ ویوز سے کہیں زیادہ تھی۔

source: social media
content: sabheen ammad

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *