پرانا بابر اعظم واپس لاؤ ، چاہے نظر اتارو یا صدقے وارو

ٹی  ٹوئنٹی  ورلڈکپ  کپ  میں  بڑی  بڑی  ٹیموں  کو اپنی  قیادت  سے چاروں  شانے  چت  کرنے  والے  اور  بلے  سے  رنز  اگلنے  والے  پاکستانی  کپتان  بابرا  عظم  کو  تو  جیسے  نظر  ہی  لگ  گئی  ہے۔ کم  ازکم  پچھلے  پانچ  ٹی  ٹوئنٹی  میچز  میں  انکی  کارکردگی  سے  تو  کچھ  ایسے  ہی  لگ  رہا  ہے۔

حرا  خالد

کپتان  بابر  اعظم  کی  نظر  اتاریے  ،  کوئی  کالا  بکرا  صدقہ  دیجیے  یا  پھر  انکے  سر پر سے  سرخ  مرچیں  واریے  کیونکہ  یہ  ہمارے  وہ  والے  بابر  اعظم  تو  نہیں  لگ  رہے  جنھوں  نے  بھارتی  سورماؤں  کو  ناکوں  چنے  چبوا  دیے  تھے  ،  کیویز  کو  فول  پروف  سیکیور  کر  دیا  تھا  اور  ورلڈکپ  میں  سب  سے  زیادہ  نصف  سنچریاں  بنانے والے  کپتان کا  ریکارڈ  اپنے  نام  کیا  تھا۔

یہ  بات  حقیقت  ہے  کہ  ورلڈکپ  کے  بعد  کھیلے  جانے  والے  پانچ  ٹی  ٹوئنٹی  میچز  میں  بابر  اعظم  کی  بلے  بازی  متاثر  کن  نہیں  رہی  ہے  اور  انہوں  نے  مشترکہ  طور  پر  پانچ  میچوں  میں  34 رنز  بنائے۔  چار  بار  تو  وہ  دس  رنز  تک  بھی  نہ  پہنچ  سکے۔

گو  کہ  بنگلہ  دیش  کے  خلاف  تین  میچز  کی  ٹی  ٹوئنٹی  سیریز  میں  ٹیم  پاکستان  نے  کلین  سویپ  کیا  لیکن  بابر  اعظم  کی  انفرادی  کارکردگی  زیادہ  اچھی  نہ  رہی۔ تین    میچز  میں  کپتان  نے  بالترتیب  سات  ،  ایک  اور  انیس  رنز  بنائے۔  ویسٹ  انڈیز  کے  خلاف  اب  تک  کھیلے  گئے  دو  ٹی  ٹوئنٹی  میچز  میں  ایک  بار  بابر  اعظم  صفر  پر  آؤٹ  ہوئے  اور  ایک  بار  صرف  سات  رنز  بنا  سکے۔ بابر اعظم ٹی ٹوئنٹی ورلڈکپ کے بعد سے  ہی آؤٹ آف فارم نظر آرہے ہیں۔

اسی  کارکردگی  کی  وجہ  سے  بابر  اعظم  کی  ٹی ٹوئنٹی  انٹرنیشنل  رینکنگ  میں  بھی  تنزلی  ہو  گئی  ہے  اور  بابر  اب  انٹرنیشنل  رینکنگ  میں  تیسرے  نمبرپر  ہیں۔ٹیسٹ کرکٹ میں پاکستان کے کپتان بابر اعظم ایک درجے تنزلی کے بعد آٹھویں سے نویں نمبر پر چلے گئے ہیں۔

سوشل  میڈیا  پر  بھی  بابراعظم  کی  کارکردگی  کو  لے  کر  تبصرے  جاری  ہیں۔  کچھ  صارفین  کا  خیال  ہے  کہ  بابر  اعظم  کو  کسی  جلے  ہوئے  پڑوسی  کی  نظر  لگ  گئی  ہے  تو  باقی  پر  امید  ہیں  کہ  کنگ  بابر  جلد  ہی  بڑی  اننگ  کھیل  کر  ناقدین  کے  منہ  بند  کر  دیں  گے۔

Babar Azam slips down to No.3 spot in ICC latest T20I rankings for batsman, he scored 34 runs off 49 balls in last five matches.
#BabarAzam

— @SafdarKtk (@Safdarktk345) December 15, 2021

Form is temporary CLASS is permanent
InshaAllah He will come back strongly @babarazam258#BabarAzam pic.twitter.com/3tWxOREW8n

— Junaid1998 (@Junaidtweets98) December 15, 2021

Hope for the next match for ur come back. Stay strong Champ we love u❤ @babarazam258 pic.twitter.com/h2izCssFbl

— 🇵🇰Shaddy lover❤ (@pakistanfangirl) December 14, 2021

It happens. Calm Down. He'll make a majestic come back. Inshallah!#PAKvWI #BabarAzam

— Mohammad Taha (@taha_tj30) December 14, 2021

بابر  اعظم  کے  مداح  اب  اس  انتظار  میں  ہیں  کہ  کب  کنگ  بابر  اپنی  اسٹاٴلش  فارم  میں  واپس  آکر  دھواں  دار  بیٹنگ  کرتے  ہیں۔

واضح  رہے  کہ  پاکستان نے دوسرے ٹی ٹوئنٹی میں ویسٹ انڈیز کو 9 رنز سے شکست دیکر 3 میچز پر مشتمل سیریز میں 0-2 کی ناقابل شکست برتری حاصل کرلی ہے۔پاکستان اور ویسٹ انڈیز کے درمیان آخری ٹی ٹوئنٹی جمعرات 16 دسمبر کو کراچی میں ہی کھیلا جائے گا۔