6 18 808x454

آزاد کشمیر میں میاں بیوی کے ساتھ بد اخلاقی کی وائرل ویڈیو پر ایکشن

133 views

آزاد کشمیر میں لنگرپورہ کے مقام پر میاں بیوی پر تشدد اور بد اخلاقی کرنے والے تینوں افراد کو پولیس نے گرفتار کرلیا۔

صبحین عماد

مظفرآباد آزاد کشمیر کے علاقے لنگرپورہ کے مقام پر میاں بیوی پر تشدد کرنے والے تینوں افراد کو آزاد کشمیر پولیس نے 12 گھنٹوں کے اندر گرفتار کرلیا لیکن کیا گرفتاری کافی ہے؟ کیونکہ یہ اپنی نوعیت کا پہلا یا آخری واقعہ نہیں اور پھر کہا جاتا ہے کہ ہم پاکستان کو ریاست مدینہ بنائیں گے۔

سوشل میڈیا پر آے روزتشدد کی ریپ کی یا بداخلاقیوں کی ویڈیوز وائرل ہوتی ہی چار دن شور بھی اٹھتا ہے لیکن وہ سمندر کی جھاگ کی طرح پھر بیٹھ بھی جاتا ہے اب زرا باتکرلیتے ہین حال ہی میں پیش آئے ریاست مدینہ کہنے والے پاکستان میں۔

حال ہی میں سوشل میڈیا پر واقعے کی ویڈیو وائرل ہوئی تھی، جس میں واضح طور پر دیکھا جاسکتا ہے کہ کچھ نوجوان کار میں سوار ایک مرد اور اور اس کے ساتھ بیٹھی خاتون کو تھپڑ مار رہے ہیں اور پیسوں کا مطالبہ کررہے ہیں، ایک شخص مرد کو کار سے گھسیٹ کر باہر نکالتا ہے اورخود گاڑی کے اندر داخل ہو کر خاتون سے موبائل اور قیمتی اشیا چھین لیتا ہے، جب کہ گاڑی کی چابی بھی نکال لیتے ہیں۔ اور خاتون کے ساتھ بد اخلاقی بھی کرتے دیکھے جاسکتے ہیں جبکہ دیدہ دلیری اتنی کہ واقعے میں ملوث افراد میں شامل ایک شخص ویڈیو بھی بناتا رہا۔

ترجمان آزاد کشمیر پولیس نے بتایا کہ ایک روز قبل سوشل میڈیا پر لنگرپورہ سیٹلائٹ ٹاوٴن کے مقام پر چند مقامی افراد کی جانب سے ایک سیاح مرد اور عورت کے ساتھ بداخلاقی اور تشدد کی ویڈیو وائرل ہوئی تھی، اس ویڈیو پر ہم نے فوری نوٹس لیا اور واقعہ میں ملوث تین ملزمان کو گرفتار کرکے ان کی گرفتاری کی خبرابتدائی طور پر فیس بک پیج پر شیئر کی۔

ترجمان پولیس نے  بتایا کہ واقعہ میں ملوث ان گرفتار ملزمان سے تفتیش اور ان سے برآمد ہونے والے موبائل فونز کے ذریعہ معلومات ملی ہیں کہ واقعہ میں نظر آنے والے مرد اور عورت سیاح نہیں بلکہ لوکل لوگ ہی تھے، تاہم اس حوالے سے مزید تفتیش اور تحقیقات ہورہی ہیں، واقعہ کے پس منظر اور مزید تفتیشن کے حوالے سے میڈیا کو آگاہ کیا جاتا رہے گا۔

لیکن بات یہاں ختم نہیں ہوتی کیونکہ بات تو دراصل یہاں سے شروع ہوئی ہے کہ آخر کب تک ہم اپنے ہی ملک میں اپنوں سے ہی لٹتے رہیں گے اس ملک کی ماں بہنیں بیٹیاں کیوں اپنے ہی ملک میں محفوظ نہیں؟ اور آخر کب تک یہ ہوس کے پوجاری وحشی درندے یوں ہی چند دن کے لٗیے گرفتار ہوں گے اور پھر دندناتے ہوئے گھموتے رہیں گے؟ آخر کب تک یہ سوال صرف سوال رہیں گے، آخر کب ان کے جواب ملیں گے آخر کب انصاف کے در کھلیں گے، اب بھی وقت ہے شاید کے ہم سنبھل پائیں کیونکہ آج کوئی اور ہے کل کو ہم یا آپ بھی اسی جگہ ہوں گے۔

source: social media
content: sabheen ammad

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *