شہر قائد میں گرد آلود ہواؤں کے جھکڑ ، نیا الرٹ جاری کر دیا گیا

شہر  کراچی  میں  تیز  اور  گرد  آلود  ہواؤں  کا  سلسلہ  جاری  ہے۔  مختلف  واقعات  میں  دو  افراد  جاں  بحق  اور  متعدد  زخمی  بھی  ہو  چکے  ہیں۔

محکمہ موسمیات کے مطابق شہر میں جنوب مغرب سے ہوائیں 45 کلو میٹرفی گھنٹہ کی رفتار سے چل رہی ہیں اور شہر میں 63 کلو میٹر فی گھنٹہ کی رفتار سے جھکڑ بھی چل سکتے ہیں۔

تیز ہواؤں کا سلسلہ وقفے وقفے سے ہفتے کے روز تک جاری رہے گا جبکہ ہفتے سے کراچی شہر میں سردی کی نئی لہر داخل ہوگی جس کی وجہ سے درجہ حرارت کم ہو کر سنگل ڈیجٹ میں آجائیں گے۔ شہر کا درجہ حرارت ہفتے سے کم ہو کر 7-8 جبکہ کھلے علاقوں میں درجہ حرارت 5-6 ڈگری سینٹی گریڈ تک بھی گر سکتا ہے۔

اس دوران سندھ اور بلوچستان کے ساحلی پٹی اور گہرے سمندر میں لہروں کی شدت میں تیزی آئیگی۔ ہماری ماہیگیروں سے اپیل  کی  گئی  ہے  کہ  جمعے اور ہفتے کے دوران گہرے سمندر میں جانے سے گریز  کریں یا حفاظتی اقدامات کے ساتھ سمندر میں جائیں۔ گہرے سمندر میں ہواؤں کی شدت 60-70 کلومیٹر فی گھنٹہ ہوگی۔

کراچی میں جمعہ کی دوپہر چلنے والی تیز ہواؤں کے باعث شیر شاہ اور نارتھ ناظم آباد میں زیر تعمیر دیواریں گر گئیں، حادثے میں 2 افراد جاں بحق ہوئے، جن کی شناخت نہ ہوسکی۔

محکمہ  موسمیات  نے شہریوں سے اپیل ہے کہ جمعے اور ہفتے کے دوران احتیاط کیجیے۔کمزور درختوں کے نیچے ہرگز کھڑے نہ ہو اور سائن بورڈز اور بل بورڈز سے دور ہے۔تیز ہواؤں کے سبب  کچھ علاقوں میں  کمزور درخت بھی گر سکتے ہیں۔