ٹی 20 ورلڈکپ 2022 : پاک بھارت ٹاکرے کب اور کس میدان میں ؟

انٹرنیشل  کرکٹ  کونسل  نے  رواں  سال  ہونے  والے  ٹی  ٹوئنٹی  ورلڈکپ  کے  شیڈیول  اور  گروپس  کا  اعلان  کر  دیا  ہے۔  شائقین  کیلئے  بڑی  خبر  یہ  ہے  کہ  اب  کی  بار  بھی  پاکستان  اور  بھارت  ایک  ہی  پول  میں  ہیں۔

حرا  خالد

پاک  بھارت  ٹی  ٹوئنٹی  ٹاکرے  کیلئے  ایک  بار  پھر  سے  تیار  ہو  جائیں  کیونکہ  آئی  سی  سی  ٹی  ٹوئنٹی  ورلڈکپ  میں  پاکستان  اور  بھارت  کی  ٹیمیں  ایک  بار  پھر  جلد  ہی  ٹکرانے  والی  ہیں۔

جی  جناب اس  سال  پھر شائقین کرکٹ کیلئے ٹی  ٹوئنٹی  کپ  کا میلہ سجے گا  اور آئی سی سی نے ٹی 20 ورلڈ کپ 2022 کے شیڈول کا اعلان   بھی  کر دیا  ہے۔

شیڈیول  کے  مطابق سپر 12 راؤنڈ کے لیے چھ چھ ٹیموں کے دو گروپس بنائے گئے ہیں۔ پہلے گروپ میں دفاعی چیمپئن آسٹریلیا ، نیوزی لینڈ ، انگلینڈ اور افغانستان شامل ہیں۔ پاکستان، بھارت، جنوبی افریقہ اور بنگلا دیش گروپ ٹو کا حصہ ہیں۔ کوالیفائنگ راؤنڈ کے سیمی فائنل کھیلنے والی چاروں ٹیمیں سپر 12 راؤنڈ کا حصہ بنیں گی۔

ٹی ٹوئنٹی ورلڈکپ کا افتتاحی میچ پہلے راؤنڈ کی ٹیموں سری لنکا اور نمیبیا کے درمیان 16 اکتوبر کو ہوگا۔ ایونٹ کا کوالیفائنگ راؤنڈ 16 سے 21 اکتوبر تک ہوبارٹ اور جےلونگ میں شیڈول ہے۔ سابق عالمی چیمپئنز ویسٹ انڈیز اور سری لنکا کوالیفائنگ راؤنڈ میں قسمت آزمائیں گے۔

سپر 12 راؤنڈ کا آغاز 22 اکتوبر سے ہو گا، پہلے میچ میں آسٹریلیا اور نیوزی لینڈ آمنے سامنے ہوں گے۔ ایونٹ کا سب سے بڑا میچ پاک بھارت ٹاکرا 23 اکتوبر کو میلبرن میں شیڈول ہے۔یاد  رہے  کہ پاکستان براہ راست سپر 12 راؤنڈ میں جگہ بناچکا ہے۔

پاکستان 3 نومبر کو جنوبی افریقہ جبکہ 6 نومبر کو بنگلا دیش کا مقابلہ کرے گا، ٹی ٹوئنٹی ورلڈکپ کے سیمی فائنلز سڈنی اور ایڈیلیڈ میں 9 اور 10 نومبر کو ہوں گے۔ ٹی 20 کرکٹ میلے کا فائنل 13 نومبر کو تاریخی میلبرن کرکٹ گراؤنڈ میں کھیلا جائے گا۔