11 10 808x454

آئی سی سی کا سب سے بڑا اعزاز سرگار فیلڈ سوبرز  ایوارڈ شاہین شاہ آفریدی کے نام

51 views

آئی  سی  سی کے  سالانہ ایوارڈز کی  ہر  کیٹگری میں  پاکستانی  کھلاڑیوں  کا  ہی  راج  ہے۔  ٹیم  آف  دا  ائیرز  میں  آٹھ  نامزدگیوں  کے  بعد چار انفرادی  اعزاز  بھی پاکستانی  کھلاڑی  لے  اڑے  ہیں۔  پاکستان کے فاسٹ بولر شاہین شاہ آفریدی نے  آئی سی سی کا سرگار فیلڈ سوبرز  ایوارڈ اپنے نام کر لیا  ہے۔

حرا  خالد

پاکستانی  کھلاڑیوں  کی  شاندار  کارکردگی  نے  دنیا  کو  اپنا  گرویدہ  کر  لیا  ہے۔  آئی  سی  سی  بھی  ایک  کے  بعد  ایک  ایوارڈ  پاکستانی  کھلاڑیوں  کے  نام  کر رہا  ہے۔

تازہ  ترین  خبر  یہ  ہے  کہ  آئی  سی  سی  نے نےسرگار فیلڈ سوبرز مینز  کرکٹر  آف  دا  ائیر  کا  ایوارڈ  پاکستان  کے  نوجوان فاسٹ بولر  شاہین  شاہ  آفریدی  کے  نام  کر  دیا  ہے۔  قابل  فخر  بات  یہ  ہے  کہ  شاہین  شاہ  اس  اعزاز  کو  حاصل  کرنے  والے  دنیا  کے  سب  سے  کم  عمر  کھلاڑی  ہیں ، صرف  یہی  نہیں  بلکہ  شاہین  شاہ  پاکستان  کی  جانب  سے  یہ  اعزاز  حاصل  کرنے  والے  پہلے  کھلاڑی  بھی  ہیں۔

شاہین شاہ آفریدی کو یہ ایوارڈ ان کی شاندار کارکردگی کی بدولت ملا، انہوں نے 2021 کے دوران 36 میچوں میں 22.20 کی اوسط سے 78 وکٹیں حاصل کیں۔شاہین شاہ آفریدی کی اوسط 22.20 رہی جبکہ بہترین بولنگ 51 رن دے کر 6 وکٹیں رہیں۔

شاہین آفریدی نے ٹی ٹوئنٹی ورلڈ کپ میں 7 وکٹیں اور مجموعی طور پر 21 میچز میں 23 وکٹیں لیں جبکہ 9 ٹیسٹ میچز میں 47 وکٹیں لیں اوسط 17.06 رہی۔

شاہین آفریدی کا اس موقع پر کہنا ہے کہ سال 2021 میں پاکستان ٹیم کی کارکردگی شاندار  رہی۔

 آئی سی سی کی  جانب سے انگلینڈ کے جو روٹ اور نیوزی لینڈ کے کین ولیمسن کو گار فیلڈ سوبرز ٹرافی کے ایوارڈ کیلئے نامزد کیا گیا تھا۔ اس کے علاوہ پاکستان کے محمد رضوان اور شاہین شاہ آفریدی بھی اس فہرست میں شامل تھے۔

شاہین  شاہ  کو  یہ  اعزاز  ملنے  پر  پی  سی  بی  اور  پاکستانی  کرکٹرز  و  شائقین  نے  انہیں  مبارکباد  پیش  کی  ہے۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *