7 22 808x454

بالی وڈ جوڑے جو سروگیسی کے ذریعے والدین بنے ۔۔۔ آخر سروگیسی ہے کیا؟

535 views

بالی  وڈ  اداکارہ  پریانکا  چوپڑا  اور  انکے  شوہر  نک  جونس  کے  ہاں  سروگیسی  کے  ذریعے  پہلی  بیٹی  کی  پیدائش  کے  بعد  سروگیسی  طریقہ  کار  ایک  بار  پھر  زیر  بحث  آ  گیا  ہے  اور  مداح  یہ  جاننا  چاہتے  ہیں  کہ  آخر  ہالی  وڈ  اور  بالی  وڈ  میں  بچوں  کی  پیدائش  کے  لئے  مقبول  سروگیسی  طریقہ کار  ہے  کیا؟

حرا  خالد

ہالی  وڈ  اور  بالی  وڈ  اداکاروں  کی  سروگیسی  کے  ذریعے  والدین  بننے  کی  خبریں  اکثر  ہی  سامنے  آتی  ہیں اور  یہ  رجحان  اب  مزید  بڑھتا  جا  رہا  ہے۔  آئیے  جانتے  ہیں  کہ  سروگیسی  ہے  کیا؟

سروگیسی میں والدین بننے  کے  خواہشمند  جوڑے  کا اسپرم اور ایگ حاصل کرکے لیبارٹری میں ایمبریو بنایا جاتا ہے، پھر اسے کسی دوسری خاتون کے یوٹرس میں انجیکٹ کر دیا جاتا ہے  یعنی  سیروگیسی کےعمل کا سہارا لیتے ہوئے ماں اور باپ کے اسپرم لیکر کسی اور خاتون کے ذریعے حمل کا عمل ممکن بنایا جاتا ہے۔

سروگیسی خاص طور پر ان جوڑوں کے لیے بہت مفید ثابت ہو سکتی ہے جو قدرتی طور پر بچے پیدا نہیں کر سکتے۔ اس عمل کے ذریعے وہ گود لینے کے طویل اور مشکل عمل سے گزرے بغیر اپنے  بچوں کے والدین بن سکتے ہیں۔

سروگیسی  کا  مشورہ  ڈاکٹر  ان  خواتین  کو  دیتے  ہیں  جن کی عمر زیادہ ہو یا انہیں ہارمونل مسائل ہوں  یا  پھر  وہ صحت  کے  مسائل  کے  باعث پریگنینسی  کے  دوران  مس  کیرج  کے  خطرے  سے  دوچار  ہو سکتی  ہوں۔

اداکاراؤں  میں  اس  کا  بڑھتا  رجحان  اپنی  فٹنس  اور  فیگر  کو  برقرار  رکھنے  کے  لئے  بھی  ہے۔

پریانکا چوپڑا پہلی بالی وڈ اداکارہ نہیں ہیں جن کے یہاں سروگیسی سے بچے کی پیدائش ہوئی ہے اس سے قبل  بھی  کئی  بھارتی  اداکار سروگیسی  کے  ذریعے  والدین  بن  چکے  ہیں۔

بالی  وڈ  کنگ  شاہ  رخ  خان:

اداکار شاہ رخ خان اور ان کی اہلیہ گوری خان کا چھوٹا بیٹا ابرام 2013 میں سروگیسی کے ذریعے پیدا ہوا  تھا۔ شاہ رخ کے پہلے بھی دو بچے آریان اور سہانا تھے جب کہ تیسرے کی پیدائش کے لیے انہوں نے سروگیسی کا انتخاب کیا۔

عامر  خان:

اداکار عامر خان اور ان کی سابقہ اہلیہ کرن راؤ کے ہاں  بیٹے  آزاد  راؤ  کی  پیدائش سن 2011 میں سروگیسی کے ذریعے ہوئی  تھی۔

سنی  لیونی:

معروف  بالی  وڈ  اداکارہ  سنی  لیونی  نے  بھی  بچوں  کی  پیدائش  کے  لئے  سروگیسی کے طریقہ  کار  کو  منتخب  کیا  اور  انکے  ہاں  سن  2018 میں  جڑواں  بیٹیوں  کی  پیدائش  ہوئی۔

کرن  جوہر:

فلم  اسٹار  اور  پروڈیسر  کرن  جوہر  بھی  بھلا  کیوں  پیچھے  رہتے۔  کرن  جوہر  سن  2017 میں سروگیسی  کے  ذریعے  ایک  بیٹی  اور  بیٹے  کے  باپ  بنے۔

شلپا  شیٹی: 

شلپا  شیٹی  نے  جب 44  سال  کی  عمر  میں  دوبارہ  ماں  بننے  کا  فیصلہ  کیا  تو  انہوں  نے  بھی  سروگیسی  کے  طریقہ  کار  کو  زیادہ  محفوظ  سمجھا  اور  انکے  ہاں  سن  2020 میں  بیٹی  سمیشا  کی  پیدائش  ہوئی۔

پریتی  زنٹا:

اداکارہ پریتی زنٹا کے ہاں گزشتہ برس نومبر میں جڑواں بچوں ایک بیٹا اور ایک بیٹی کی پیدائش ہوئی  تھی۔ ان کے بچوں کی پیدائش بھی سروگیسی کے عمل کے ذریعے ہوئی۔

فرح  خان:

بالی وڈ  کی  ہر  دلعزیز  اور  بے  باک  ادکارہ  و  پروڈیوسر  فرح  خان  نے  بھی  اولاد  کے  لئے  سروگیسی کے طریقے  کو  اپنایا  اور  ان کے 3 بچے ہیں جو سروگیسی  کی مدد سے پیدا ہوئے ۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *