1 29 808x454

ثانیہ مرزا کو ریٹائرمنٹ کے اعلان پر پچھتاوا ہونے لگا۔۔۔

49 views

بھارتی  ٹینس  اسٹار  ثانیہ  مرزا  نے  چند  روز  قبل  ٹینس  کے  بیس  سالہ  کیرئیر  سے  ریٹائرمنٹ  کا  اعلان  کیا  تھا  تاہم  اب  میڈیا  سے  گفتگو  کے  دوران  انکا  کہنا  ہے  کہ  انہیں  یہ  اعلان  جلد  کر  دینے  پر  پچھتاوا  ہو  رہا  ہے۔

حرا  خالد

بھارت  اور  دنیا  بھر  میں  یکساں  مقبول  ٹینس  اسٹار  ثانیہ  مرزا  نے  19 جنوری  کو  کھیل  سے  ریٹائرمنٹ  کا  اعلان  کر  دیا  تھا  اور  یہ  کہا  تھا  کہ  2022 انکے  کھیل  کا  آخری  سال  ہوگا  تاہم  اب  وہ  یہ  بات  میڈیا  کو  بتا  دینے  کے  بعد  نئی  مشکل  سے  دوچار  ہو  گئی  ہیں  اور  پے  در  پے  ریٹائرمنٹ  سے  متعلق  سوالات  انہیں  پریشان  کر  رہے  ہیں۔

انڈین  میڈیا  کے  مطابق جب ثانیہ مرزا سے سوال کیا گیا کہ آیا ٹینس اور دوروں کے حوالے سے ان کا نقطہ نظر بدل گیا ہے، کیونکہ یہ ان کا آخری سیزن ہے  تو  انکا  کہنا  تھا  کہ  میں ریٹائرمنٹ کے بارے میں ہر میچ کے وقت نہیں سوچتی، میرے خیال میں میں نے یہ اعلان بہت جلدی کردیا ہے، مجھے اس کا پچھتاوا ہے کیونکہ مجھ سے اس وقت اسی بارے میں سوال پوچھے جا رہے ہیں۔

ثانیہ  نے  اپنی  بات  جاری  رکھتے  ہوئے  کہا  کہ  میں میچز جیتنے کے لیے کھیلتی ہوں اور جب تک میں کھیل رہی ہوں، میں کوشش کروں گی کہ ہر میچ جیتوں، یہ ریٹائرمنٹ ہر وقت میرے ذہن پر سوار نہیں ہوتی۔

پینتیس  سالہ  ٹینس  اسٹار  نے  کہا  کہ  مجھے ٹینس کھیلنا اچھا لگتا ہے، ہمیشہ سے لگتا ہے، چاہے جیتوں یا ہاروں اور میرا اس پر ابھی بھی یہی نظریہ ہے۔ میں اپنی 100 فیصد کوشش کرتی ہوں، کبھی یہ کام کر جاتی ہے کبھی نہیں، لیکن میں پورے سال تک کے لیے مکمل طور پر موجود ہوں، میں واقعی یہ نہیں سوچنا چاہتی ہے کہ سال کے آخر میں کیا ہو گا۔

 واضح  رہے کہ بھارتی ٹینس اسٹار ثانیہ مرزا نے آسٹریلین اوپن ڈبلز کے پہلے راؤنڈ میں شکست کے بعد ریٹائرمنٹ کا اعلان کیا  تھا۔میلبرن میں میڈیا سے گفتگو میں ثانیہ مرزا نے کہا تھا  کہ 2022ء میرا آخری ٹینس سیزن ہوگا۔

انہوں نے کہا تھا کہ ریٹائرمنٹ کی کئی وجوہات ہیں، لیکن سادہ سی بات یہ ہے میں نہیں کھیلوں گی۔بھارتی ٹینس اسٹار کا  مزید  کہنا  تھا کہ میری ریکوری طویل ہورہی ہے اب مجھے 3 سال کے بیٹے کا بھی سوچنا ہے، جس کے ساتھ زیادہ سفر کرکے اسے بھی خطرے میں نہیں ڈال سکتی۔

یاد  رہے  ثانیہ  مرزا  انڈیا  کی  کامیاب  ترین  ٹینس  کھلاڑی  ہیں  انہوں  نے  چھ  گرینڈ  سلیمز  ٹائٹل  اپنے  نام  کیے  ہیں  جن  میں  تین  مکسڈ  ڈبل  ٹرافیز  بھی  شامل  ہیں۔

اُنہوں نے اپنے 20سالہ ٹینس کیریئر میں مختلف ٹینس کے مقابلوں میں ٹوٹل 14 میڈل جیتے، جن میں 6 گولڈ میڈلز، 4 سلورمیڈلز اور 4 ہی برونز میڈلز شامل ہیں۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *