12 13 808x454

جب بالی وڈ اداکارہ روینہ ٹنڈن کی جانب سے میاں نواز شریف کو بم کا تحفہ بھیجا گیا

136 views

سابق  وزیراعظم  پاکستان  میاں  نواز  شریف  کی  پسندیدہ  اداکارہ  روینہ  ٹنڈن  کے  ناموں  سے  سجے  بم کارگل  کی  جنگ  میں  بھارتی  افواج  کی  جانب  سے   پاکستان  کی  طرف پھینکے  گئے  تھے  جن  پر  بنے  دل  میں  تحریر  تھا  “فرام  روینہ  ٹنڈن  ٹو  نواز  شریف”

حرا  خالد

سابق  پاکستانی  وزیراعظم  کی  روینہ  ٹندن  کے  لئے  پسندیدگی  کسی  سے  ڈھکی  چھپی  بات  نہیں  اور  انہوں  نے  اندیا  کے  ایک  دورے  کے  دوران  کھل  کر  اس  بات  کا  اظہار  بھی  کیا  تھا یہی  وجہ  ہے  کہ  کارگل  جنگ  کے  دوران  بھارتی  فوجیوں  نے  روینہ  ٹنڈن  کا  نام  لکھ کر  پاکستانی  افواج  کی  جانب بم تحفے  کے  طور  پر  پھینکے۔

ہر  تھوڑے  عرصے  بعد  روینہ  اور  نواز  شریف  کے  نام  سے  سجے  اس  بڑے  بم  کی  تصویر  سوشل  میڈیا  پر  گردش  کرنے  لگتی  ہے  ۔  ہندوستان ٹائمز کے مطابق سبز رنگ کا یہ بم دراصل 1999 میں کارگل جنگ کے دوران منظرعام پر آیا تھا جس پر سفید رنگ سے تیر والا دل بنا ہوا تھا اور ساتھ ہی لکھا تھا ’روینہ ٹنڈن کی طرف سے نواز شریف کو۔‘

اس تصویر کو منظرعام پر آئے کئی سال گزرنے کے بعد روینہ ٹنڈن نے  اب  ایک  ہندوستانی  اخبار  کے  ایڈیٹر  سے  ٹویٹر  اسپیس  پر بات  کرتے  ہوئے اس واقعے سے  متعلق  گفتگو کی ہے۔

مقبول اداکارہ روینہ ٹنڈن نے بتایا کہ انہیں خود بھی بہت عرصے بعد ایسے کسی بم کے بارے میں علم ہوا تھا جو ان کی جانب سے نواز شریف کو بھیجا گیا۔

اداکارہ نے  امن  کا  پیغام  دیتے  ہوئے  کہا  کہ میں تمام دنیا کو یہ نصیحت کروں گی اگر کوئی  بھی  معاملہ  پیار اور بات چیت سے حل ہو سکتا ہے تو ایسا  ضرور کیجیے۔

انہوں نے مزید کہا کہ خون کا رنگ لال ادھر بھی ہے اور ادھر بھی۔ کسی کو بھی ایک ماں کا بیٹا یا بیٹی کھو جانے پر فخر محسوس  نہیں کرنا چاہیے۔ اگر مجھے اپنے ملک کی حفاظت کے لیے سرحد پر کھڑا ہونا پڑے، تو میرے ہاتھ میں بھی بندوق دے دو میں وہاں کھڑی ہو جاؤں گی۔

روینہ  نے  اس  انٹرویو  کے  دوران  سیاست  میں  آنے  سے  متعلق  اپنے  پلانز  بھی  بتائے  اور  ایک  اداکارہ  ہونے  کی  حیثیت سے  انہیں کیرئیر  میں  کن  مسائل  کا  سامنا  کرنا  پڑا  اس  بارے  میں  بھی  گفتگو  کی۔

بالی  وڈ  کی  مست مست گرل  روینہ  ٹنڈن آخری مرتبہ نیٹ فلکس کی سیریز آران یاک میں نظر آئی تھیں  اور  اب  وہ  ایک  نئے  پراجیکٹ  میں  یاش  اور  سنجے  دت  کے  ساتھ  جلوہ  گر  ہوں  گی۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *