christamas dec 808x454

کیا آپ کرسمس کی تاریخ جانتے ہیں

41 views

دسمبر شمسی سال کا بارہواں مہینہ ہے اس مہینے کی25 تاریخ کو عیسائی حضرات اپنا سب سے بڑا تہوار”کرسمس”مناتے ہیں یہ تہوار در اصل یوم ولادت مسیح کے طور پر مناتے ہیں،جسکو ” عید میلاد المسیح”کہتے ہیں اور دنیا کے مختلف خطوں میں اس کو مختلف ناموں سے یاد کیا اور منایا جاتا ہے ۔

رومن کیتھولک اور پروٹسٹنٹ کلیسائی اسے 25 دسمبر کو، مشرقی آرتھوڈوکس کلیسائی 6جنوری کو اور ارمینیا کلیسائی 19جنوری  کرسمس کو مناتے ہیں لیکن اسکی حقیقت کیا ہے اور اس کا آغاز کس طرح ہوا اس کے پیچھے کیا کہانی ہے،تو آئیے، اس کو حقیقت کے آئینے میں دیکھتے ہیں۔

تاریخِ کلیسا میں کرسمس کی تاریخ کبھی ایک سی نہیں رہی ،کیونکہ حضرت عیسیٰ علیہ السّلام کا یومِ پیدائش کسی بھی ذریعے سے قطعیت سے معلوم نہیں۔

حضرت عیسیٰ کا دور حیات اور آپ کے بعد آپ کے حواری برسوں تک کسمپرسی کی حالت میں رہے۔ رومیوں اور یہودیوں کے مظالم سے چھپتے پھرتے تھے اور عیسائیت کو عام ہونے میں ایک صدی لگی ۔

Church to hold 'Christmas Lessons & Carols'

 

یادرہے کہ مسیح علیہ السّلام کی صحیح تاریخ پیدائش کا کسی کو علم نہیں۔ تیسری صدی میں اسکندریہ کے کلیمنٹ نے رائے دی تھی کہ اسے 20مئی کو منایا جائے۔ لیکن 25دسمبر کو پہلے پہل روم میں اس لئے مقرر کیا گیا تاکہ اس وقت کے ایک غیر مسیحی تہوار، جشن زحل کو (جو رومیوں کا ایک بڑا تہوار تھا،) جو راس الجدی کے موقع پر ہوتا تھا پسِ پشت ڈال کر اُس کی جگہ مسیح علیہ السّلام کی سالگرہ منائی جائے۔

کرسمس ٹری

کرسمس کے دوران “کرسمس ٹری”کا تصور بھی جرمنوں ہی کا پیدا کردہ ہے۔ یہ لوگ کرسمس کے دن حضرت مریم علیھا السلام اور حضرت عیسٰی علیہ السلام اور حضرت جبرائیل علیہ السلام کا کردار مختلف اداکاروں کے ذریعے ایک ڈرامے کی شکل میں پیش کرتے اور تمام واقعہ دہراتے جو مریم علیھا السلام کے ساتھ مسیح علیہ السلام کی ولادت کے ضمن میں پیش آیا اور اس واقعے کے دوران درخت کو مریم علیھا السلام کا ساتھی بنا کر پیش کیا جاتا، وہ اپنی ساری اداسی اور ساری تنہائی اس ایک درخت کے پاس بیٹھ کر گزار دیتیں۔

چونکہ یہ درخت بھی اسٹیج پر سجایا جاتا تھا اور ڈرامے کے اختتام پر لوگ اس درخت کی ٹہنیاں تبرک کے طور پر اکھیڑ کا ساتھ لے جاتے اور اپنے گھروں میں ایسی جگہ لگا دیتے جہاں ان کی نظریں ان پر پڑتی رہیں ۔

How to Save Money on a Christmas Tree | Spending | US News

یہ رسم آہستہ آہستہ کرسمس ٹری کی شکل اختیار کر گئی اور لوگوں نے اپنے اپنے گھروں میں کرسمس ٹری بنانے اور سجانے شروع کر دئیے،اس پر بچوں کے لیے تحائف بھی لٹکا دئیے جس پر یہ تحائف بھی کرسمس ٹری کا حصہ بن گئے۔کرسمس ٹری کی بدعت انیسویں صدی تک جرمنی تک محدود رہی۔

Aussies wasted over $400 million in unwanted Christmas gifts last year

سنہ1847عیسوی کو برطانوی ملکہ وکٹوریہ کا خاوند جرمنی گیااور اسے کرسمس کا تہوار جرمنی میں منانا پڑا تو اس نے پہلی مرتبہ لوگوں کو کرسمس ٹری بناتےاور سجاتے دیکھاتو اسے یہ حرکت بہت بھلی لگی ،لہذا وہ واپسی پر ایک ٹری ساتھ لے آیا۔

سنہ1848عیسوی میں پہلی مرتبہ لندن میں کرسمس ٹری بنوایا گیا، یہ ایک دیو ہیکل کرسمس ٹری تھا جو شاہی محل کے باہر آویزاں کیا گیا تھا۔ 25دسمبر 1848ء کو لاکھوں لوگ یہ درخت دیکھنے لندن آئے اور اسے دیکھ کر گھنٹوں تالیاں بجاتے رہے۔ اس دن سے لے کر آج تک تقریبا تمام ممالک میں کرسمس ٹری ہر مسیحی گھر میں بنایا جاتا ہے۔

 نئے ملبوسات خرید کر پہنتے ہیں اور اپنے گھروں کے علاوہ چرچ میں بھی عبادات کی جاتی ہیں، موم بتیاں روشن کی جاتی ہیں اور حضرت عیسیٰ کے حضور نذرانہ عقیدت پیش کیا جاتا ہے۔

سانتا کلاز

مسیحی برادری میں کرسمس پر سانتا کلاز کا بھی بچوں کے لئے عجیب و غریب اور دلچسپ کردار ہے جس کے بارے میں بچوں کو بتایا جاتا ہے کہ اس دن سانتا کلاز ہر گھر میں آتے ہیں اور بچوں کے لئے تحفے تحائف اور کھلونے دے کر جاتے ہیں ۔

سانتا کلاز کے بارے میں ذکر حضرت عیسیٰ کے قبل رومن ایمپائرز کے دور میں یا پھر شائد اس سے بھی قبل تھاکہ جب موسم بدلتا ہے اور برف باری ہوتی ہے تو آسمان سے کوئی فرشتہ اترتا ہے جس کے بال اور داڑھی سفید برف کی مانند ہوتی ہے اور وہ بچوں کے لئے تحفے لے کر آتا ہے۔

What is Santa Claus? | Macmillan Dictionary Blog

مسیحی کمیونٹی نے جب حضرت عیسیٰ کی سالگرہ کا دن منانا شروع کیا تو انہوں نے بچوں کے دلوں میں اس کردار کے بارے میں ایک مذہبی

احترام پیدا کر دیا اور بچوں کو اس کے بارے میں مختلف واقعات سنائے جاتے ہیں ۔

ہر گھر میں رات کو ایک کرسمس ٹری بھی سجایا جاتا ہے اور والدین بچوں کے لئے کھلونے لا کر اس میں چھپا دیتے ہیں صبح کو جب بچہ اٹھتا ہے تو اسے بتایا جاتا ہے کہ رات کو سانتا کلاز آپ کے لئے تحائف چھوڑ کر گئے تھے.

جب بچے کرسمس ٹری میں اپنے لئے تحفے دیکھتے ہیں تو حیرت انگیز خوشی کے جذبات ان کے دلوں میں سانتا کلاز سے محبت پیدا کر دیتے ہیں۔

مصنف کے بارے میں

راوا ڈیسک

راوا آن لائن نیوز پورٹل ہے جو تازہ ترین خبروں، تبصروں، تجزیوں سمیت پاکستان اور دنیا بھر میں روزانہ ہونے والے واقعات پر مشتمل ہے

Comments

Leave a Reply

Your email address will not be published. Required fields are marked *

Your email address will not be published. Required fields are marked *