مہنگائی نے ہر ریکارڈ توڑ ڈالا کیا پاکستان ڈیفالٹ ہونے جارہاہے

 اس سے پہلے کہ ہم عالمی بینک کی رپورٹ پر نظر ڈالیں اس سوال کا جواب ڈھونڈنے کی کوشش کرنا چاہیے کہ کیا ہم واقعی ڈیفالٹ ہونے جارہے ہیں ؟

اس سوال کے جواب کو سمجھنے کے لیے پہلے ہمیں  پاکستان کی معیشت کو سمجھنا پڑیگا۔

پوری دنیا کی عالمی کرنسی ڈالر ہے یعنی دنیا بھر میں اسی  کرنسی میں تجارت ہوتی ہے۔ ڈالر جمع کرنے کے 3 طریقے ہیں

1) تجارتی سرپلس جوچین کوریا جاپان جرمنی اور خلیجی ممالک پیدا کرتے ہیں۔

2) بیرونی سرمایہ داروں کی سرمایہ کاری سے ڈالر کمانے والوں میں مغربی یورپ اور بھارت آسٹریلیا جیسے ممالک ہیں

3) قرض لینا پاکستان جیسے تجارتی خسارہ کرنے والے، تیسری دنیا کےممالک  کے پاس واحد آپشن قرض جمع کرنا ہوتا ہے۔

اب سوال یہ ہے کہ پاکستان قرض کیسےلیتا  ہے؟

پاکستان کچھ قرض تو چین سعودیہ جیسے دوست ممالک سے لے لیتا ہے۔ عالمی ادارے جیسے ورلڈ بینک اور ایشین بینک مختلف منصوبوں کی مد میں دے دیتے ہیں ۔ تاہم آئی ایم ایف کے ڈالر، تجارت کے لیے استعمال نہیں ہوتے عموماً زیادہ تر ڈالر بانڈز سےجمع کیے جاتے ہیں ۔

بانڈز کیا ہوتے ہیں ؟

بانڈز سادہ الفاظ میں investors سے سود پر قرض لینا ہوتا ہے اور یہ سود ملک کی سیاسی و مالی حالت سے مشروط ہوتا ہے.

جس ملک کی سیاسی و مالی حالت مستحکم ہو، اسکے بانڈز ہاتھوں ہاتھ انتہائی کم شرح سود پر خرید لیے جاتے۔ کیونکہ ڈیفالٹ رسک نہیں یعنی لو رسک، لو ریٹرن۔

لیکن جس ملک کی حالت پاکستان جیسی ہو، اسکے بانڈز بلند شرح سود پر بکتے ہیں کیونکہ سرمایہ دار کو خدشہ ہوتا کہ یہ ملک ڈیفالٹ کر جائے گا اور اسکی سرمایہ کاری ڈوب جائےگی۔ لہذا ہائی رسک، ہائی ریٹرن.

بانڈز کی شرح سود یا Yields کا دارومدار Credit rating پر ہوتا ہےجو ریٹنگ ایجنسیاں جاری کرتی ہیں۔

اب صورتحال یہ ہے کہ رواں سال پاکستان شدید سیاسی و مالی عدم استحکام کا شکار ہے ۔

جسکی وجہ سے عالمی کریڈیٹ ریٹنگ ایجنسیاں فچ، موڈیز وغیرہ پاکستان کی کریڈیٹ ریٹنگ کو مسلسل downgrade کر رہیں اور اسی وجہ سے پاکستان کا ڈیفالٹ رسک، جو مارچ میں محض 5٪ تھا، اب تقریباً 93٪ ہو چکا ہے ۔

کیا اسکا یہ مطلب ہے کہ پاکستان ڈیفالٹ ہوگیا ہے؟

پاکستان  ابھی باضابطہ طور پر ڈیفالٹ  نہیں ہوا کیونکہ  اس نے اپنی کسی  ادائیگی سے معذوری ظاہر  نہیں کی  ہے ۔  لیکن بانڈ مارکیٹ کا سرمایہ دار پاکستان کو ڈیفالٹ، یعنی دیوالیہ ملک سمجھ کر treat کر رہا ہے اور بانڈز نہیں خرید رہا۔

اسی لیے وزیراعظم پاکستان  نے یہ بیان دیا ہے  سمجھ نہیں آ رہی پیسے کہاں سے آئیں گے۔

پاکستان نے رواں مالی سال 30 جون 2022 تک تقریباً 22 ارب ڈالر جمع کرنا ہے۔ یہ تب جمع ہوگا جب آئی ایم ایف ، بانڈز مارکیٹ کو سگنل دے گا اور ان کی جانب یہ  سگنل جب دیا جائیگا جب پاکستان اور آئی ایم ایف کے مذاکرات جو اس وقت تعطل  کا شکار ہیں وہ ہونگے اور پاکستان کو آئی ایم ایف کی سخت ترین شرائط ماننا ہی ہونگی ۔

مگر پاکستان کو یہ کڑوا گھونٹ پینا ہی ہوگا  ورنہ ہم  ڈیفالٹ لائن پر کھڑے ہیں ۔ یعنی سادہ الفاظ میں پاکستان اور ڈیفالٹ کے درمیان آئی ایم ایف معاہدہ ہے ۔

اب اگلا سوال  یہ ہے کہ اگر پاکستان ڈیفالٹ ہوگیا تو کیا ہوگا؟

پاکستان ڈیفالٹ تب ہوگا جب پاکستان قرض ادائیگی کی کوئی قسط ادا نہ کر پایا.

اس وقت پاکستان کے سرکاری خزانے میں کُل 6.9 ارب ڈالر ہیں جن میں سے 6.5 ارب ڈالر دوست ممالک کے ہیں

اگر پاکستان سرکاری طورپر  ڈیفالٹ ہوگیا تو پاکستان کو مذید قرض ملنا بند ہو جائے گا اور پاکستان کو اپنی درآمدات، برآمدات ، ترسیلات زر کے برابر کرنی ہوں گے.

بدقسمتی سے ہم پیاز سے لے کر دوائیاں اور سوئی سے لے کر جہاز سب کچھ درآمد کرتے ہیں ۔ افسوس کی بات یہ ہے کہ دنیا کا ساتواں بڑا زرعی ملک کہلانے والا ملک پاکستان وہاں کی عوام آپس کی سیاستوں اور بدانتظامی کی وجہ سے آٹے کے لیے ترس رہی ہے۔

معیشت کی اس صورتحال میں عام آدمی کے لیے ایک وقت روٹی کھانا بھی مشکل ہوگیا ہے اور حالات مزید مشکل ہوتے نظر آرہے ہیں جو خوفناک  مہنگائی  کے طوفان کو جنم دینگے

پاکستان کے بارے میں یہ  خدشہ عالمی بینک نے اپنی عالمی معاشی اثرات سے متعلق رپورٹ جاری  کرتے ہوئے کہا ہے اور اس  رپورٹ میں پاکستان سے متعلق بتایا گیا ہے کہ سیلاب کے باعث موجودہ مالی سال پاکستان کی معاشی شرح نمو 2 فیصد رہنے کا امکان ہے۔

جبکہ اس سے پہلے عالمی بینک نے پاکستان کے لیے 4 فیصد جی ڈی پی گروتھ کی پیش گوئی کی تھی۔