روزانہ تین انڈوں کا استعمال، کینسر کے خطرے کو کم کرتا ہے

کہا جاتا ہے کہ زیادہ انڈے کھانے سے کولیسٹرول  بڑھ جاتا ہے اور اس سے صحت کو نقصان پہنچتا ہے مگر ایک تحقیق سے پتا چلا ہے کہ ایک دن میں 2 یا 3 انڈے کھانے سے آپ بہت سی بیماریوں سے بچے رہتے ہیں جبکہ ایک سے زائد انڈوں کا روزانہ استعمال آپ کی صحت کے لئے بھی بے حد فائدے مند ہے۔ 

ذیل میں ایسے تین فائدے ہیں جو ایک سے زائد انڈے کھانے سے حاصل کئے جا سکتے ہیں۔

کینسر کے خطرہ کو کم کرتا ہے

انڈے میں ایسے اجزاء موجود ہوتے ہیں جو دماغ کو فیٹی ایسڈ سے محفوظ رکھتے ہیں اور کینسر کے خطرے کو بھی کم کرتے ہیں، ایک تحقیق میں یہ بات پتا چلی ہے کہ انڈے کھانے سے نوجوان خواتین میں چھاتی کے سرطان  کے خطرے کو 18 فیصد کم کرتے ہیں۔

دماغ کا فیٹی ایسڈ سے تحفظ

روزانہ 2 یا 3 انڈے کھانے سے جسم کو وہ ضروری غذائیت مل جاتی ہے جو کہ دماغ کو فیٹی ایسڈ سے محفوظ رکھتی ہے اس سے انسان کی یاداشت بھی ٹھیک رہتی ہے۔

وٹامن ڈی

روزانہ 3 انڈے کھانے سے جسم کو اتنا وٹامن ڈی مل جاتا ہے جس سے جسم میں کیلشیم جذب ہوجاتا ہے اور آپ کے دانتوں اور ہڈیوں تک پہنچ جاتا ہے اس سے آپ کا جسم دیرپا صحت مند اور تندرست و توانا رہتا ہے۔